Seacastle Guesthouse

Beskrywing

Seacastle Guesthouse is 'n 8 slaapkamer en 8 badkamer dubbelverdieping strandhuis wat op die strand geleë is.

Die verblyf bestaan uit verskeie slaapkamers, 3 van die slaapkamers het 'n koninggrootte-bed sowel as 'n enkelbed, daar is ook 3 slaapkamers met 'n dubbelbed en 'n enkelbed en 2 slaapkamers het 2 enkelbeddens. Die 8 badkamers is toegerus met stort, toilet en wasbakgeriewe. Ongelukkig is daar geen baddens in enige van die badkamers nie.

Die volledig toegeruste kombuis het 'n gasstoof-oond, 3 yskas-vrieskaste, ketel, lugbraaier, broodrooster en 'n mikrogolfoond. Die vermaakarea bo onder grasdak huisves 'n tafeltennistafel sowel as 'n veerpyltjiebord en fuseball-tafel.

Gaste het toegang tot die swembad om af te koel op 'n warm somersdag, asook 'n ingeboude braai-area waar jy maaltye kan voorberei met 'n skouspelagtige uitsig oor die strand en die see.