Under The Pecan Tree

Perfek vir kort verblyf.

Het heerlik gebly; die eenheid is baie goed toegerus en uiters gerieflik geleë. Dis meer privaat as op die foto, danksy 'n plantheining. Ek kan dit beslis aanbeveel. Elektriese komberse op die bed was fantasties, want die plekkie is wel nogal koud (ons was in die winter daar), ten spyte van twee paneelverwarmertjies. Handdoeke, byvoorbeeld, word dus nie droog nie. Behalwe vir die bedlampies se herlaaibare gloeilampe is daar ook geen alternatiewe ligte om tydens beurtkrag te gebruik nie (dalk vanweë diefstalrisiko – heel verstaanbaar). Daar is wel 'n paar kerse. So as kerse nie jou ding is nie, neem maar 'n herlaaibare LED-liggie saam vir die badkamer of vir ekstra lig in die kombuisgedeelte. Daar is nie baie hangplek vir klere nie (die hangplek op die foto is vervang met 'n ander kas). Dit het ons egter nie gepla nie.

Gesellige en knus woonstel in boomryke tuin met alles wat jy nodig het. Vriendelike gasvrou.

Ons was aangenaam verras met die pragtige interieur en het heerlik gebly. Het veilig gevoel en sal die woonstel as oornagbestemming aanbeveel.

Uitstekende privaat eenheid met alles wat ons nodig gehad het.

Eienaar was baie vriendelik en behulpsaam al het die TV nie gewerk nie. Kom beslis terug na die uitsonderlike groot pekanneutboom.

Sal beslis weer daar gaan bly.

Baie lekker gebly. Awesome gasheer en gasvrou.

Baie veilig en privaat. Ongelooflike mooi plek.

Doulien is baie gasvry en verwelkomend. Skoon en netjies. Goed toegerus. Pragtige tuin. Bed liggies brand tydens kragonderbrekings en sy het kookwater aangebied vir koffie vroeg die oggend agv die kragonderbreking. Sy het ook ekstra inligting deur gegee rakende die omgewing en die tyd en afstand na ons afspraak toe. Ek sal vir seker weer van die plek gebruik maak.

Waarde vir geld maar WiFi is 'n ontbrekende vereiste in 2023.

Dankie, het lekker gebly.

Baie lekker oornag in 'n gemaklike en gerieflike verblyf.

Ons het baie lekker oornag by die akkommodasie. Die eenheid was gemaklik en gerieflik en baie goed geleë. Ons kan enige toekomstige kliente aanraai om van die akkommodasie gebruik te maak.

Stil en privaat omgewing. Pragtige tuin. Baie netjies en goed ingerig. Sentraal naby groot inkopiesentrums. Gasvrou baie vriendelik en behulpsaam.

Net 'n dakwaaier en te direk op bed. Aircon sal ideaal wees in sitarea. Oorweeg inverter vir loadshedding. Troeteldiere is vroeg soggens bietjie raserig.