Acra-Retreat Mountain View Lodge

B&B

Kapasiteit: 30 mense
Inkloktyd: 14:00 tot 22:00
Uitkloktyd: 11:00
Adres: Vyfde-straat, Waterval Boven, 1195, Mpumalanga
Alle ouderdomme is welkom
Vanaf R1 213 per nag, vir 2 mense

Beskrywing

Acra-Retreat Mountain View Lodge skuil tussen die Krugerwildtuin en Johannesburg, op die randjie van 'n krans. Die 11 ha-eiendom is in die Elandskrans Natuurreservaat geleë.

Daar is 'n oorvloed voëls, insluitend uile, swaeltjies, loeries en tarentale, om maar net 'n paar te noem. Gaste kan die apies op die kranse dophou waar hulle in die son sit of rond speel.

Die kamers is luuks en verwelkomend. Elke kamer het 'n uitsig en sy eie ingang na die buitedek of tuin waar jy die panoramiese uitsig kan geniet. Veilige parkeerplek word gewaarborg. Skoon water is afkomstig van 'n bergstroom wat 50 m diep is. Die water word gereeld getoets om seker te maak dis veilig om te drink.

Acra Retreat het 'n gelisensieerde kroeg. Skemerkelkies kan ook op die dek geniet word terwyl die kleurspel van die sonsondergang bo die berge dopgehou kan word. Daar is 'n trampolien, swembad, kinderswembad en onderdakbraai. Aandetes is op versoek beskikbaar, indien vooraf bespreek.

Die gashere praat Duits, Hollands, Engels en Afrikaans. Klem word gelê op vrede en rustigheid.

Acra Retreat sal ook help reël vir toere na die bekende klipkringe en Adam's Calendar, die Panorama-roete, Blyderivierspoort en Bourke's Luck-kolkgate. Dit is ook die perfekte oornagverblyf vir oorsese toeriste, aangesien dit net 2 ure vanaf Johannesburg is, en halfpad na die Krugerwildtuin.

Doendinge wat gereël kan word sluit die volgende in: vierwielmotorfietsry, boogskiet, blaaspyltjieskiet, perdry, abseil, bergklim, forel- en baarsvang, voetslaan (beginners én ervare stappers), bergfietsry, uitstappies na die klipkringe, en verfbal. Gaste kan boonop geskiedkundige plekke soos Paul Kruger se huis besoek en ons Lodge is 'n uitstekende plek vir spanbou!

Kry ’n Kwotasie