Albert Road Garden Guesthouse

B&B

Gratis kansellasie tot 1 week voor jou verblyf!
Kapasiteit: 21 mense
Inkloktyd: 14:00 tot 19:00
Uitkloktyd: 10:00
Adres: Albert-weg 40, Walmer, Gqeberha (Port Elizabeth), 6065, Oos-Kaap
Geen kinders onder 18
Vanaf R920 per nag, vir 2 mense

Beskrywing

Albert Road Garden Guesthouse is in Walmer, 'n rustige buurt net 'n paar minute se ry van Chief Dawid Stuurman Internasionale Lughawe, verskeie puik restaurante, koffiewinkels, winkelsentrums en ander geriewe af. Die eenheid is ook net 4 km vanaf die pragtige seefront.

Hierdie huislike gastehuis word bestuur deur Harry en Tracy. Albert Road Garden Guesthouse bied dus uitstekende diens, en gemaklike en bekostigbare verblyf in goed toegeruste en smaakvol versierde en suite-kamers wat in 'n rustige tuin geleë is. Daar is ook 'n aparte swembad en braai-area op die perseel. Die verblyf is ideaal vir sakereisigers en vakansiegangers.

Al die gastekamers het privaat ingange, en suite-badkamers en dakwaaiers. Die beddens word met wit gehaltelinne opgemaak en badhanddoeke word voorsien. Elkeen van die kamers het 'n yskassie, mikrogolfoond, broodrooster, ketel, eetgerei, breekware, tee en koffie, gratis WiFi en 'n TV met 'n kommersiële DStv-pakket.

'n Opsionele ontbyt bestaande uit vrugteslaai, graankos, jogurt, vrugtesap, koffie en tee is beskikbaar en word in die gaste-eetkamer bedien indien dit versoek word. Wegneem-ontbytpakkies is ook beskikbaar vir gaste wat vroeg wil vertrek, maar moet ook vooraf versoek word.

Daar is aangewese, veilige parkeerplek voor die gastekamers, sommige met plek vir voertuie en sleepwaens.

Kry ’n Kwotasie