Balooga 31

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 23:00
Uitkloktyd: 09:00
Adres: Marinerylaan 123, Balooga 31, Margate, 4285, KwaZulu-Natal
Vanaf R1 400 per nag (plek vir 6)

Beskrywing

Balooga 31 is 'n moderne selfsorgeenheid met see-uitsigte in 'n veilige kompleks in Margate.

Die woonstel bied slaapplek aan 6 volwassenes en 2 kinders en beskik oor 3 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n dubbelbed en 'n en suite-badkamer met 'n bad en stort, toilet en wasbak. Die tweede en derde slaapkamer het elk 2 enkelbeddens. Die gastebadkamer het 'n bad en stort, toilet en wasbak. 'n Slaapbank is beskikbaar in die sitarea vir 2 klein kinders. Alle linne en badhanddoeke word voorsien, gaste moet net asb. hul eie strandhanddoeke saambring.

Die kombuis is volledig toegerus vir selfsorg met 'n stoof, oond, yskas-vrieskas, mikrogolf, eetgerei en breekware. Daar is ook 'n wasmasjien, skottelgoedwasser en toonbank met stoeltjies. Die sitarea het 'n gemaklike sitkamerstel en 'n platskerm-TV met 'n DStv-koppelpunt. Indien gaste DStv wil kyk moet hulle hul eie DStv-dekodeerder, -slimkaart en -kabels saambring. Gratis WiFi-toegang word voorsien.

Skuifdeure lei van die sitarea en hoofslaapkamer na 'n groot stoep met uitsigte oor die see en grasperk. Daar is ook stoepmeubels en 'n gasbraai wat gaste kan gebruik.

Die kompleks het 'n swembad en braai-area en 'n motorhuis en ekstra parkeerplek is beskikbaar vir die eenheid. Daar is 'n hek wat lei van die kompleks na Lawrence Rocks-strand net oorkant die pad. Dit is ongeveer 30 m ver en Margate se hoofstrand en visvangpier is net 'n kort entjie se stap weg. 'n Verskeidenheid winkels en restaurante is naby die eenheid geleë.

Kry ’n Kwotasie