Beachfront Thompsons KTL1

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Ocean-rylaan 79, Thompsons Beach, Ballito, 4399, KwaZulu-Natal
Alle ouderdomme is welkom
Vanaf R6 400 per nag (plek vir 10)

Beskrywing

Beachfront Thompsons KTL1 het 'n uitstekende strandfront-ligging met 'n houttrap wat reguit na die Thompson's Bay-swemstrand en -getypoel lei. Hiér kan gaste wat van die see hou sorgvrye vakansies geniet.

Die vakansiehuis met 'n skouspelagtige see-uitsig, 'n groot privaat swembad, 'n stoep en 'n braai-area bied slaapplek aan 10 gaste en beskik oor 4 slaapkamers, 3 badkamers en 'n oopplan-kombuis, -eetarea, -leefarea en -sitarea. Die hoofslaapkamer het 'n koningingrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die derde slaapkamer het ook 'n koningingrootte-bed en die vierde slaapkamer het 2 enkelbeddens. Daar is ook 'n ekstra stapelbed vir kinders onder 16 jaar. Die gaste-badkamer het 'n stort, wasbak en 'n toilet. Alle linne en badhanddoeke word voorsien, maar gaste moet hul eie strandhanddoeke saambring.

Die kombuis is met 'n yskas-vrieskas, gasstoof, elektriese oond, mikrogolfoond, basiese eetgerei en breekware en tee- en koffiemaakgeriewe toegerus. Daar is ook 'n skottelgoedwasser. In 'n aparte opwaskamer is daar nog 'n gasstoof, elektriese oond, mikrogolfoond, wasmasjien en 'n tuimeldroër. Die kombuis lei na 'n etenstafel met sitplek vir 8, na die leefarea en na die sitarea langs die opwaskamer. Die leefarea en sitarea het albei gemaklike rusbanke en TV's met volle DStv-pakkette.

Die leefarea lei na die pragtige onderdakstoep met buitemeubels en braaigeriewe, én die swembad wat 'n panoramiese uitsig oor die see bied.

Die getypoel en maak hierdie plek nogal spesiaal. Dit is 'n lekker uitstappie vir 'n aktiewe gesin om van Thompsonsbaai na Willard Beach te stap en 'n piekniekmiddagete in te pak.

Kry ’n Kwotasie