Bikkurim Inn

Selfsorg

Gratis kansellasie tot 1 week voor jou verblyf!
Kapasiteit: 4 mense
Inkloktyd: 14:00 tot 18:00
Uitkloktyd: 10:00
Adres: Wentelbaanstraat 9, Mbombela (Nelspruit), 1201, Mpumalanga
Alle ouderdomme is welkom
Vanaf R730 per nag (plek vir 2)

Beskrywing

Bikkurim Inn is 'n selfsorgeenheid in Mbombela (Nelspruit), Mpumalanga. Die eenhede is apart van die hoofeiendom en het hul eie ingang en parkeerplek in 'n stil, veilige en gesogte woonbuurt.

Forest Room het lugversorging en bied slaapplek aan 2 gaste en het 'n koningingrootte-bed sowel as 'n en suite-badkamer met 'n stort, wasbak en 'n toilet. Gehaltelinne, badhanddoeke en seep word voorsien.

Verder is daar 'n kombuisie wat toegerus is met 'n yskassie, mikrogolf, eetgerei en breekware asook tee- en koffiemaakgeriewe. Vir gaste se vermaak is 'n TV met Netflix en gratis WiFi beskikbaar.

Die skuifdeur lei na 'n privaat binnehof met 'n tafel en stoele waar gaste in die tuin kan ontspan met óf 'n oggendkoffie óf 'n skemerkelkie.

Olive Oak is 'n luukse selfsorg-eenheid op die tweede verdieping. Hierdie eenheid is geskik vir 2 volwassenes en beskik oor 'n koningingrootte-bed.

Die eenheid het 'n kombuis met 'n klein tweeplaatsoof en oondjie, mikrogolfoond en volledige kombuistoerusting.

Die badkamer het 'n stort, wasbak en toilet. Daar is parkeerplek vir een voertuig, lugversorging, 'n waaier en handdoeke word voorsien. Hierdie eenheid is nie geskik vir mense in rolstoele of iemand wat sukkel om trappe te klim nie en ook nie vir meer as 2 volwassenes nie.

Die ligging van hierdie lieflike eenheid is naby die gewilde Mbombela Gholfbaan, Hoërskool Nelspruit en Shandon Estate.

Kry ’n Kwotasie