Braeview Guesthouse

Selfsorg

Kapasiteit: 10 persone
Inkloktyd: 14:00 tot 20:00
Uitkloktyd: 10:00
Adres: Sunnybraesingel 2, Westcliff, Hermanus, 7200, Wes-Kaap
Alle ouderdomme is welkom
Vanaf R1 350 per nag, vir 2 mense

Beskrywing

Braeview Guesthouse nooi gaste uit om in die walvis-hoofdorp te kom kuier. Dit is net 10 minute se stap van die New Harbour af vanwaar die walviskykbote vertrek. Dié elegante gastehuis is lekker naby die hawe in die ou buitewyk van Hermanus, Westcliff, met oop ruimtes en parke. Braeview is net 150 m van die gewilde kranspaadjies af waar besoekers die walvisse sommer van naby kan dophou.

Braeview bied 2 luukse selfsorg-eenhede (of B&B op versoek) met 'n rustige en ontspanne atmosfeer.

Sunbird-suite spog met elegante meubels en binnenshuise versiering. Die eenheid bied slaapplek vir 6 gaste en het 3 slaapkamers, 2 badkamers met 'n stort en bad, sitkamer, volledig toegeruste kombuis, pragtige tuin en stoep met braaigeriewe.

Die Stone Cottage is ruim, sonnig en smaakvol. Die kothuis is apart van die Sunbird-suite en bestaan uit 1 groot kamer met 'n en-suite badkamer en kombuisie en is volledig toegerus om slaapplek aan 4 gaste te verskaf. Die kothuis het ook sy eie privaat stoep en braaigeriewe wat lei na die tuin.

Braeview is kindervriendelik en sekere DStv-kanale is beskikbaar. Veilige parkeerplek word op die perseel voorsien.

Hoewel Braeview ver genoeg van die besige sakakern af is, is dit net stapafstand van die restaurante en winkels af. 'n Kort stappie langs die kranspaadjie is dalk al wat staan tussen jou en 'n blik op walvisse en hul kroos wat in die diepblou baai baljaar. Blouvlagstrande, getypoele en Hermanus se pragtige gholfbaan is net 'n paar minute se ry van ons af.

Kry ’n Kwotasie