216 Brookes Hill Suites

Selfsorg

Soos Gesien op Instagram
Kapasiteit: 6 mense
Inkloktyd: 15:00 tot 21:00
Uitkloktyd: 11:00
Adres: Lady Bea-singel, Humewood, Gqeberha (Port Elizabeth), 6001, Oos-Kaap
Alle ouderdomme is welkom
Vanaf R2 500 per nag (plek vir 6)

Beskrywing

216 Brookes Hill Suites is 'n pragtige selfsorgwoonstel met 'n panoramiese see-uitsig op 'n veilige landgoed in Humewood, Gqeberha (Port Elizabeth). Dis die ideale verblyf vir 'n wegbreek saam met 'n gesin of groep vriende en dis oorkant die strand geleë.

Die ruim woonstel bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer bied direkte toegang tot die balkon en dit het 'n koninggrootte-bed. Die en suite-badkamer het 'n stort, dubbelwasbak en 'n toilet. Die tweede en derde slaapkamer het elkeen 'n koningingrootte-bed en gaste in dié slaapkamers deel die tweede badkamer met 'n stort-oor-bad. Alle linne word voorsien en gaste moet hul eie handdoeke saambring.

Die oopplan-leefarea het 'n see-uitsig en die stylvolle kombuis is met 'n stoof, oond, mikrogolfoond, yskas-vrieskas, eetgerei en breekware toegerus. Daar is ook 'n toonbank met stoele. Die aparte opwaskamer het 'n skottelgoedwasser. Die kombuis lei na 'n etenstafel met sitplek vir 6 gaste en 'n knus sitarea met gemaklike sitplek en 'n platskerm-TV met die volle DStv-pakket. Gratis WiFi is beskikbaar.

Daar is ook 'n kroeg-area en die hele leefarea het stapeldeure wat na 'n balkon lei. Die Brookes Hill-kompleks bied 'n gemeenskaplike swembad, braai-area en veilige parkeerplek op die perseel.

Kry ’n Kwotasie