Casarèa Landgoed Farm

Gastehuis

Gratis kansellasie tot 1 week voor jou verblyf!
Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Cesarea Landgoed, P308, Utrecht, 2980, KwaZulu-Natal
Alle ouderdomme is welkom
Vanaf R1 100 per nag, vir 2 mense

Beskrywing

Casarèa Landgoed Farm is 5 km buite die geskiedkundige dorpie, Utrecht, en bied 'n verwelkomende bestemming vol natuurskoon en geskiedenis. Dit is ideaal vir sakereisigers, oornaggaste en vakansiegangers. Alhoewel die verblyf buite die dorp is, is dit tog naby genoeg aan die besige R34 vir sakereisigers.

Verblyf is beskikbaar in die Old House waar daar 4 en suite-gastekamers te vinde is. Al die beddens is met luukse, wit perkallinne oorgetrek en handdoeke sowel as handgemaakte seep word voorsien. Gasverwarmers word in die winter voorsien, en muskietnette in die somer.

Kamer 1 het 2 enkelbeddens en 'n privaat en suite-badkamer met 'n stort, wasbak en 'n toilet. Kamer 2 het 'n koninggrootte-bed, 1 enkelbed en 'n bababedjie. Kamer 3 het 'n koninggrootte-bed en 'n enkelbed en kamer 4 het 'n koninggrootte-bed. Elke kamer het 'n en suite-badkamer met 'n stort, wasbak en 'n toilet.

Koffie, tee, beskuit, vrugtesap, ontbytgraan en jogurt word as 'n ligte ontbyt bedien.

Die plaas spog met 'n privaat museum met interessante artefakte van 'n vorige era, asook 'n plaaswinkel met handgemaakte seep, room, organiese konfyte en souse. Gaste word aangemoedig om die staproetes en omliggende areas te verken. Die verblyf maak van sonkrag en gasgeisers gebruik wat verseker dat gaste nie deur beurtkrag geraak word nie. 'n Weber-braai en houtskool is op versoek beskikbaar.

Kry ’n Kwotasie