Beskrywing

Deluxe Beachfront Apartment is 'n luukse, kontemporêre selfsorgwoonstel wat in die Hibernian Towers-kompleks op die Strand se strandfront geleë is en bied pragtige see-uitsigte en sonsondergange.

Die woonstel het slaapplek vir 6 gaste en beskik oor 3 slaapkamers, 2 badkamers en 'n oopplan-kombuis, -eetarea en -leefarea. Die eerste slaapkamer het 'n koningingrootte-bed, 'n see-uitsig en 'n en suite-badkamer met 'n bad, stort, toilet en 'n wasbak. Die tweede slaapkamer het 'n koningingrootte-bed en die derde slaapkamer het 2 enkelbeddens. Hierdie 2 kamers deel 'n badkamer met 'n stort, toilet en 'n wasbak.

Die kombuis is met 'n stoof, oond, yskas-vrieskas, mikrogolf, ketel, 'n skottelgoedwasser en 'n ontbyttoonbank met stoele toegerus. Daar is ook 'n wasmasjien en 'n tuimeldroër. Die eetarea het sitplek vir 6 gaste rondom die etenstafel. Die sitarea het 'n platskerm-TV met DStv Premium en gratis WiFi is beskikbaar. Daar is 'n balkon wat rondom die woonstel strek vanwaar gaste 'n uitsig kan geniet.

Gratis parkeerplek is beskikbaar vir 2 voertuie. Die Hibernian Towers-gebou het 24 uur-geslotekringtelevisie en -sekuriteit. Toegang tot die gebou word via 'n spesiale sekuriteitskaart verkry. Die gebou bied ook 'n gemeenskaplike swembad en fiksheidsentrum op die perseel.

Daar is talle doendinge rondom die Strand-area vir die hele gesin ? van gholfbane en wynlandgoedere tot strande en natuurreservate. Daar is ook 'n paar restaurante op die gebou se drumpel en kruidenierswarewinkels en inkopiesentrums in die omtrek. Kaapstad Internasionale Lughawe is net 34 km ver en die V&A Waterfront en Tafelberg is net 40 minute se ry ver.

Of jy vol energie is en 'n sportavontuur wil aanpak, of op soek is na inkopieterapie, of jy op die strand wil ontspan, goeie kos wil weet, wyn wil drink of 'n kultuurervaring soek ? dit is alles binne jou bereik.