Gabus Game Ranch

Wildsplaas

Kapasiteit: 34 mense
Inkloktyd: 14:00 tot 21:00
Uitkloktyd: 10:00
Adres: Gabus Plaas 52, Otavi, 0000, Otjozondjupa
Alle ouderdomme is welkom
Vanaf R3 729 per nag, vir 2 mense

Beskrywing

Gabus Game Ranch nooi gaste uit na 'n oase met 'n groen tuin, 'n sprankelende swembad, en 'n koel lapa naby Otai in Namibië. Dié lodge bied 'n verfrissende afsaalplek vir moeë reisigers op 'n 6000 hektaar plaas.

"Gabus" is afgelei van 'n Boesman-woord vir "plek van water" in 'n land wat deur droogte en woestyn gekenmerk word. Die plaas lê aan die voet van die Usibi-berge, sowat 10 km vanaf die dorpie Otavi.

Besoekers wat die lodge vir die eerste keer benader, word aangenaam verras deur die tuin wat soos 'n lowerryke oase verrys. As mens oor die swembad se hemelsblou water tuur, sien mens dikwels wild. Koedoes, waterbokke, roobokke en wildebeeste gaan hul gang sonder om deur besoekers se kom en gaan in die kuierarea gepla te word, so mens sien gereeld hoe dié diere hul dors kom les. Trouens, om hierdie pragtige diere dop te hou is een die herinneringe aan Gabus wat altyd by jou sal bly.

Die luukse, elegante kamers nooi besoekers uit om lank te vertoef. Elke kamer kyk uit oor 'n natuurlike watergat wat elke dag wil lok. Elke kamer het 'n en suite-stort, lugversorging, en weelderige katoelinne wat sorg vir 'n hemelse nagrus.

Aandete word elegant voorgesit. Gaste kan aandetes op hul eie of in 'n groep saam met die ander gaste geniet. Die geregte word van net die varsste bestanddele en met liefde voorberei. Saans word die watergat verlig vir gaste wat die nagdiere wil dophou.

Kry ’n Kwotasie