Gifberg Holiday Farm

Presies wat ons nodig gehad het.

Ons het baie lekker gekuier. Die Gifberg Holiday Farm is werklik in 'n mooi deel geleë. Die stap op die plaas en die swem in die rotspoele was lekker vir die hele gesin. Die Kliphuisie is ver van 'n 5-ster chalet, maar ek dink nie dit is die sales-pitch nie, en dit was ook nie ons verwagting nie - ons wou ontspan, stap, swem en braai - ons het dus elke oomblik geniet. As dit ook jou mikpunt is, dan beveel ek Gifberg Holiday Farm enige tyd aan! Die grondpad en die pas is werklik niks om oor te bekommer. Ek dink wel dit sal ongerieflik wees om met 'n kar te ry, maar dit is moontlik.

Baie aangenaam.

Ideaal vir ontspanning, rus en afsluiting.

Dis veral 'n lekker wegbreek vir mense met kinders.

Dit is een van die mooiste plekke in ons land. En so min mense weet daarvan!

Dit was 'n goeie afskakel en net 'n lekker kuier.

Ons het baie lekker gebly. Die honde was my en my seuntjie se gunsteling. Die swembad was ten volle benut. Alles is bitter netjies en skoon. Die enigste ding is, die eienaars sal moontlik net in hul advertensie moet sit dat dit 'n uur se grondpad ry is met 'n gevaarlike pas en dat daar absoluut geen sein is nie.

Lekker rustig.

Sedert my vorige besoek het die oord baie agteruitgegaan.

Baie rustig.

Die ideale plek om tot rus te kom en weer jou batterye te laai. Die vars berglug is baie besonders.

In die natuuur, baie baie mooi omgewing.

Die omgewing by Gifberg is asemrowend mooi, baie riviere, poele en staproetes. Jy is heeltemal weg van enige stadsgewoel. Wees maar net voorbereid, die roete soontoe is iets ander, ons was dit te wagte en dit was baie lekker!

Plaaservaring in 'n natuurparadys.

Die mooiste omgewing denkbaar en heerlike verblyf op hierdie gasteplaas. Staproetes goed gemerk. Sal beslis weer gaan!

Baie mooi natuurskoon. Trekkerdrywers baie vriendelik.

Gifberg het glorieryke dae gehad. Die tekens is oral oor.

Groot teleurstelling!

Op die website noem hulle daar is 'n grondpad en die bergpas wat 'n grondpad is, is nie 'n probleem nie. Die view is eenvoudig asemrowend, maar as mens eers bo-op die berg is, is daar nog 'n hele end voor mens by die plaas kom en hierdie pad is amper geskik vir 'n 4x4 roete. Ons was in 'n 2x4 bakkie, maar dit het ons 45-50min gevat van die plaas tot in die dorp. Maar die grootste teleurstelling is die beddens. Dit was ou katelbeddens (nie 'n probleem nie), maar die matrasse is so dun, jy voel elke plankie op die bed.

Kliënt moet seker maak van die pad.

Perfekte ligging. Pragtige mense en diere.

Roads to the farm are not good.

The farm is very clean and neat and the dogs are the best part of the stay. When you go for a hike, the dogs are your companion and they show you all the easy routes which I thought was very cute. I loved seeing the bushman paintings and the beautiful waterfalls. The gravel road to the farm is really not very good. Lots of potholes and very corrugated. I drove with a 4X4 and I struggled to get there. I drove some areas in low range. Normal cars will really struggle to get up there.

Baie mooi omgewing.

Laat genoeg tyd vir die rit en moet verkieslik nie in die donker ry nie a.g.v. die toestand van die pad.

Natuurskoon is mooi.

Deure van badkamer en toilet kan nie toemaak nie, a.g.v. deure wat geswel het van water. Ongemaklik vir gaste wat saam was.

Skitterend.

Die blyplek is skoon en netjies. Die staproetes het die mooiste natuurskoon.

Asemrowende natuur en salige rustigheid. Heerlike staproetes.

Een van die lekkerste plekke denkbaar om uit te span en die natuur te geniet.

Baie netjies en rustig alhoewel die huis oud is, was alles werkend en gerieflik. Die enigste probleem is dat daar nie voorsiening vir beurtkrag is nie. Geen gasplaat of lamp nie.

Pragtige natuurskoon en redelik maklike stappies.

Pragtige landskap.

Alles wat mens nodig het om rustig te raak saam met die natuur.

Despite the difficult road, we felt it worth the travel.

The host went out of his way to make us feel at home, going beyond our own expectations, by allowing the family to watch the World Cup soccer final in his very own home.

Stunning area, ok verblyf.

Die area is beeldskoon en dis lekker rustig. Verblyf is skoon, maar nie silwerskoon nie. Dis gemaklik, maar het al gemakliker gehad. Die mense is vriendelik, maar kan ook maar vriendeliker wees. Nogstans sal ek weer gaan en vir 'n week daar bly. Net vir die omgewing en die rustigheid.

Afgesonderd in pragtige omgewing.

Dit is 'n taamlike rowwerige stuk pad na Gifberg, maar oor en oor die moeite werd. Ons eenheid was goed toegerus en ons kon lekker lang stappe gaan doen in 'n pragtige veld en mooi bergstrome - lafenis vir die siel.

Stil en rustig.

Goeie plaas atmosfeer en rus vir die siel. Mooi omgewing.

Ongelooflik lekker, groot avontuur, jy kry meer as jou waarde vir geld.

Die huis (Tuinhuis) waarin ons gebly het, was baie groot, baie ruim. Beddegoed, kussings en alles binne mooi skoon. Ekstra komberse en heater. Binnekaggel in kombuis en buitebraai op die huis se stoep. Die natuur is beeldskoon. Elke sterrekyker se droom. Staproetes is uitdagend maar 'n groot avontuur. Sonder die honde, Pieter, die lab, en Yorkie, sou ons nie ons pad kon vind nie. Baie grotte, watervalle, klim-en-klouter en die boesman tekeninge is mooi. WiFi net om die hoofhuis op die plaas beskikbaar. Goeie ontsnapping van die gejaag van die lewe en histerie van 'n selfoon. Pad daarheen het ons aangedurf met 'n Toyota Starlet. Solank jy 'n bekwame bestuurder is, en nie jaag nie, dan is die pad doenbaar met ongelooflike natuurtonele. Die ontvangsdame op aankoms was baie nors en nie bly gelyk om ons te sien nie, maar dit kan nogsteeds nie 'n baie lekker verblyf en mooie plek vir ons spoil nie.

Puik sal beslis weer gaan.

Was koud, maar pragtig met al die reën en watervalle wat geloop het. Los maar die lae motor tuis, dis 'n plek vir bakkies of SUV.

Lekker.

Ons het die naruurskoon geniet en sal weer kom, dankie.

Die wandelroetes is 'n hoogtepunt en die plaaslike diere deel van die avontuur.

Die poue het bietjie kom mors op die stoep en ons het gesukkel om hulle weg te kry van die huisie af. Dit het nogtans gesorg vir 'n paar mooi foto's. Die gematigde klimaat.

Lekker.

Natuur is beeldskoon, veilig om rond te stap in natuur.

Scary mountain pass but beautiful and worth it.

The location of the holiday farm is beautiful. Situated in the middle of nowhere, in peace and quiet surrounded in nature. The accommodation is well equipped and clean with very friendly cleaning staff. We truly enjoyed our stay especially the pool and the braai areas at each house as well as the loving and friendly dogs. The pass is extremely unexpected, bare in mind to travel light if coming with a car but strongly advise to come with a 4x4 or off road vehicle as the pass can be steep at 1 point and rough mountain driving for the last few km so be prepared.

Iets besonders vir mense wat van stilte, plante, rotsformasies en baie stap hou.

Sien sterre.

Baie aangenaam. Iets anders.

Rustige mooi omgewing.

Very different venue in the moutains. Liked it though.

Scary mountain pass. Didn't spend much time on the farm, didn't do any walks. The area was beautiful though.

Verblyf is goed en toegerus met alles wat benodig word.

Het die aand van aankoms nie warm water gehad nie en kon niemand in die hande kry. Die volgende oggend moes ons maar plan maak! Hulle het toe kom kyk en reggemaak wat stukkend was maar ons moes vroeg vertrek en het by die kampterrein gaan stort wat ook waterdrukprobleme het soos die kampeerders ons ingelig het. Die pad na Gifberg op die Gifbergpas is asemrowend mooi.

Flower time

Beautiful place, nature at her best. Breathtaking hiking routes. (We were not impressed with house we stayed in. Old, decrepit furniture, loose tiles, cold atmosphere). House was neat and everything we need was available.

Baie mooi natuur, behuising bietjie koud.

Die natuur slaan jou asem weg. Mooi rustig voedsel vir die siel. Die huisie was bietjie koud veral in die kombuis waar ons moes kuier omdat daar geen ander area vir kuier was nie.

Beautiful location with well-designed walks.

Buildings well sited, but the highlight is the well-designed walking trails provided by the host.

Baie aangenaam verras, heerlik gebly!

Baie mooi staproetes, daar is ook 4x4-roetes!

To find the gifboom.

A lovely location on the plateau of the Gifberg, we stayed in the Kliphuis. All very comfortable and clean. It is a working Rooibos tea farm, you hear equipment running and staff, we were there during the week. There are several hiking trails to explore the surroundings and vegetation, then you are on your own.

Ver van alles en almal. Geen sein, pragtige natuur met die mooiste waterpoele.

Ek sal dit vir seker aanbeveel. Ons het dit vreeslik geniet. Sal definitief terug gaan. Dit is so mooi daar. Jy kan dit nie beskryf nie. So rustig, stil en wonderlik! Geen sein so jy kan werklik afsluit van die wêreld daarbuite. Mooiste staproetes met die beste gidshonde, Lara en Pieter, wat so geduldig wag terwyl jy als verken. Baie dankie, Gifberg-span.

Stil en rustige plaasatmosfeer.

Ons en ons 4-pootkind het die staproetes en swemplekke vreeslik geniet. Hiker se droom. Ons gaan verseker weer! P.S. Gaan met 'n bakkie of hoë voertuig vir die grondpad teen die berg uit. Daar is ook geen winkel naby nie so pak alles wat jy nodig het vir die selfsorg.

Wow!

Baie lekker ervaring, die Gifbergpas is so pragtig. Staproetes was 'n goeie ervaring, baie om te sien. Ons het lekker gekuier by swembad. Huis was baie gerieflik, netjies en skoon. Die grondpad het ons bietjie gepotjie: vol klippies. Sal veiliger en makliker wees om met 'n bakkie of 4×4 te gaan. Maar overall was dit die moeite werd!

Pragtige natuurskoon in die berge.

Ons het nie sulke mooi stap roetes verwag. Dit herinner aan Bourke's Luck Potholes in Mpumalanga. Beslis die moeite werd om te besoek.

Baie lekker diep in die berg.

Pragtige omgewing. Baie mooi en rustig. Gifbergpas is pragtig.

Afgeleë.

Op 'n plaas maar die pad is sleg. Nie geweet dit is so ver van Vanrhynsdorp af nie. Huis baie basies. Al die geriewe is daar en het hout verskaf.

Wonderlike ondervinding op 'n pragtige plaas.

Ons kon ongelukkig net verblyf kry vir 1 aand. Ons het dit so geniet dat ons beslis sal terugkom vir 'n langer kuier.

Wonderlike natuurskoon.

'n Pragtige plek om weg te kom uit die gewoel. Staproetes, watervalletjies en stilte. Plaashonde wat saamstap. Ongelukkig is die diens nogal onpersoonlik en nie besonder vriendelik nie, hoewel redelik effektief.

Die staproetes is uitstaande!

Die omgewing is wonderlik en heerlik afgeleë. Ons het die staproetes uitsonderlik gevind. Die uitsigte op Gifberg- en Oubergpas is asemrowend. Die personeel en bestuur het uit hulle pad gegaan om aan ons behoeftes te voldoen.

Skeppingswonderlikke plek.

Ten spyte van die droogte was dit 'n wonderlike ervaring. Die rustigheid van die natuur was heerlik.

Wonderlik.

Dit was een vir die boeke. Lekker plekkie en met die pragtigste uitsig. Geskikte plek om jou batterye te herlaai.

Rustigheid.

Heerlik om te bly op 'n werkende plaas. Pragtige ligging, tussen die berge. Die rit oor die Gifbergpas is fantasties! Een van die mees asemrowende passe nog. Die huisies is basies, moet geen luukshede verwag nie, maar is goed toegerus en alles is funksioneel en skoon.

A relaxing and magic experience, thank you.

We loved sleeping under the rock with the bushman painting, so open, free, quiet and enjoyed the ruggedness. The hikes are magic and bulbs exquisite.

Dit is algehele rus vir jou siel en liggaam.Asemrowend mooi.

Die plaas en omgewing is baie mooi. Daar is baie om te sien en doen.

Perfect getaway.

Surprising destination at the top of a spectacular pass. All amenities available. Accommodation was perfectly adequate. Nice beds with lovely clean, soft linen. Good value for money.

Ons wou so veel as moontlik stap.

Blyplek baie basies maar meer as voldoende. Die Oppie-dek Restaurant is ‘n treffer. Die staproetes is duidelik uitgelê en daar is iets vir almal - van die fikses tot die onfikses en luies. Sal beslis weer gaan kuier.