Glen Aden

Selfsorg

Kapasiteit: 16 persone
Inkloktyd: 14:00 tot 19:00
Uitkloktyd: 10:00
Adres: Weimershoek Plaas 81, Langs die R540, Dullstroom, 1110, Mpumalanga
Alle ouderdomme is welkom
Vanaf R1 568 per nag, vir 2 mense

Beskrywing

Glen Aden bied selfsorgverblyf in 'n prentjiemooi vallei op 'n 50 hektaar-plaas wat aan die Dorpsrivier grens en net 23 km van Dullstroom af op die Lydenburgpad skuil. Wildebeeste en sebras wei vrylik op die perseel en natuurliefhebbers kan in die area voetslaan, fietsry en voëlkyk.

Verblyf is beskikbaar in 2 selfsorg-kliphuise, Glen House en Aden House, wat albei 'n uitsig oor die 1 hektaar-grootte foreldam bied. Glen House het slaapplek vir 6 volwassenes en 1 kind en Aden House het slaapplek vir 10 gaste. Elke huis het sy eie kombuis en opwasarea, eetarea, sitarea met 'n kaggel en 'n ingeboude kroeg. Die huise word daagliks skoongemaak.

Glen Aden mik om hulle koolstofspoor te verklein, daarom word warm water deur gasgeisers voorsien en werk die yskas-vrieskaste en stowe ook met gas. Verder is die eenhede sonkrag-aangedrewe.

'n Komplimentêre bondeltjie hout word met aankoms voorsien. Ekstra hout kan egter op die perseel gekoop word.

Hier kan gaste 'n rustige wegbreek saam met vriende en familie kom geniet.

Kry ’n Kwotasie