Kareelaagte Guest Farm

Selfsorg

Gratis kansellasie tot 1 week voor jou verblyf!
Kapasiteit: 11 mense
Inkloktyd: 14:00 tot 20:00
Uitkloktyd: 09:00
Adres: 6,4 km van die N9 af, Kareelaagte Plaas, Graaff-Reinet, 6280, Oos-Kaap
Alle ouderdomme is welkom
Vanaf R1 200 per nag, vir 2 mense

Beskrywing

Kareelaagte Guest Farm bied gerieflike selfsorgverblyf op 'n prentjiemooi plaas langs die N9 tussen Graaff-Reinet en Middelburg. Dié skaapplaas spog met 'n uitsig op die omliggende berge en is die ideale plek om van die stad te ontsnap.

Verblyf is beskikbaar in 2 semi-losstaande eenhede wat 'n uitsig oor die lusernland bied. Die eerste eenheid beskik oor 2 slaapkamers en het slaapplek vir 5 gaste. Die hoofslaapkamer het 'n koningingrootte-bed en die tweede slaapkamer het 'n enkelbed, asook 'n stapelbed. Dié twee slaapkamers deel 'n badkamer met 'n stort en 'n wasbak, en gebruik 'n aparte toilet met wasbak.

Die tweede eenheid het slaapplek vir 6 gaste en beskik oor 2 slaapkamers. Die hoofslaapkamer het 'n koningingrootte-bed en 'n enkelbed. Die tweede slaapkamer het 'n enkelbed en stapelbed. Een badkamer het 'n stort en wasbak en dan is daar n aparte toilet met wasbak.

Elke eenheid het 'n kombuis wat met 'n tweeplaatgasstoof, yskas-vrieskas, mikrogolf en 'n ketel toegerus is. Beide eenhede het 'n stoep met ingeboude braaigeriewe en buitesitplek. Gaste het toegang tot gratis WiFi en veilige parkeerplek.

Lamtyd is tussen Oktober en November... dan is daar gewoonlik hanslammers wat baie lekker speelmaats is! Die plaaswerf is vol ander vriendelike diere. Ons donkies, perde en honde is mal oor aandag (bring wortels of appels saam vir die donkies en perde!)

Kry ’n Kwotasie