Karoo Rus

Selfsorg

Gratis kansellasie tot 1 week voor jou verblyf!
Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Klipstraat 2, Montagu-Wes, Montagu, 6720, Wes-Kaap
Alle ouderdomme is welkom
Vanaf R900 per nag (plek vir 2)

Beskrywing

Karoo Rus bied twee opsies, die een is Karoo-Rus met twee slaapkamers wat ingerig is vir vier gaste. Dan is daar ook Tiny Karoo-Rus wat ingerig is vir slegs 2 gaste. Vir 6 gaste kan altwee bespreek word.

Karoo Rus bied 'n rustige toevlugsoord met 'n pragtige uitsig op die Langeberge in die geskiedkundige dorp Montagu in die Wes-Kaap. Montagu lê tussen Kaapstad en Oudtshoorn op die bekende Kaapse Roete 62.

Verblyf is beskikbaar in 2 selfsorg-eenhede: die hoofhuis en die kothuis.

Die huis beskik oor 2 slaapkamers en is geskik vir 4 gaste. Karoo Rus is juis so ingerig dat gaste kan ontspan. Dit is 'n plek waar families en vriende mekaar weer kan vind en net lekker kan kuier. Die kombuis is met 'n yskas, tweeplaatstoof, mikrogolfoond en 'n gasstofie vir beurtkrag toegerus en daar is 'n binnebraai. Die stoep bied 'n pragtige uitsig, daar is 'n hangmat en 'n buitebraai, en gaste kan in die privaat plonspoel met 'n uitsig op die berge ontspan. Die plonspoel kan ook op koeler dae verhit word. Daar is privaat en veilige parkeerplek op die perseel.

Tiny Karoo-Rus is 'n moderne klein kothuis vir 2 in die hartjie van Montagu-Wes. Die kothuis het lugversorging vir die warm somersdae en 'n verwarmer vir die koue wintersaande. Die kothuis het 'n oopplan-uitleg met 'n slaaparea, 'n badkamer, 'n kombuisie en 'n dek. Die slaaparea het 'n dubbelbed. Die badkamer het 'n stort, wasbak en 'n toilet. Die kombuisie is toegerus met 'n yskas, mikrogolf oond, tweeplaatgasstoof, ketel, breekware en eetgerei. Die dek het sitplek en buitebraaigeriewe en daar is 'n marmerbad op die dek waar gaste onder die sterre kan ontspan.

Montagu is bekend vir sy warm minerale bronne, asook museums, kunsgalerye, boeremarkte en restaurante.
Waarvoor Montagu seker die bekendste is, is sy natuurskoon en al die wandelroetes, rotsklim en bergklim.

Kry ’n Kwotasie