Kranskloof Country Lodge

Selfsorg

Kapasiteit: 13 persone
Inkloktyd: 14:00 tot 18:00
Uitkloktyd: 10:00
Adres: Kranskloof Country Lodge, Schoemanshoek, Oudtshoorn, 6620, Wes-Kaap
Alle ouderdomme is welkom
Vanaf R950 per nag (plek vir 2)

Beskrywing

Kranskloof skuil in die hartjie van die Klein-Karoo en bied selfsorgverblyf in 'n ware paradys vir natuurliefhebbers en voëlkykers. Ons lodge is 15 km vanaf Oudtshoorn langs die R328 op pad na die Kango-grotte.

Ons losstaande kothuise het elk 'n kombuisie met 'n yskas, mikrogolfoond, oond met stoofplate, eetgerei en 'n klein eetarea. Beddegoed en handdoeke word voorsien. Gaste moet net hul eie swemhanddoeke bring. Elke kothuis het braaigeriewe.

Vanaf jou stoepie kan jy jouself verlustig in die pragtige uitsigte oor die groen Schoemanshoek-vallei en die indrukwekkende Outeniekwaberge. Gaste kan heerlik afkoel in die soutwaterswembad wat sentraal geleë is in die groot tuin. Jy kan ook gaan stap in die berge en die verskeidenheid voëls besigtig.

Die volgende besienswaardighede is naby Kranskloof Country Lodge: Kango Volstruisplaas, die Kango Wildlife Range, Kango-grotte, Rust en Vrede-waterval, die Swartbergpas, Meiringspoort en nog vele meer.

Aanbevole restaurante sluit De Oude Meul en Wilgewandel.

Kom geniet 'n welverdiende ruskansie!

Kry ’n Kwotasie