Beskrywing

Les Palmiers No 11 is 'n lieflike selfsorgwoonstel met 'n see-uitsig en slaapplek vir 6 gaste in Ballito.

Die woonstel is in 'n kompleks en het 3 slaapkamers, waarvan 2 na die balkon lei, 2 badkamers, 'n kombuis en leefarea wat ook na die balkon lei.

Die hoofslaapkamer het 'n lieflike see-uitsig, 'n koningingrootte-bed en en suite-badkamer met 'n bad en stort. Die ander 2 kamers het elk 2 enkelbeddens en deel 'n badkamer met 'n bad en stort. Linne en badhanddoeke word voorsien, maar gaste moet asb. hul eie swemhanddoeke saambring.

Die oopplan-leefarea het 'n kombuis wat toegerus is vir selfsorg met 'n mikrogolf, stoof, oond, yskas-vrieskas, skottelgoedwasser, wasmasjien en tuimeldroër. Die sitarea het 'n TV met DStv en lei na 'n balkon wat reg rondom die eenheid strek met 'n Weber-braai en fantastiese see-uitsig.

Daar is parkeerplek vir 1 voertuig in die motorhuis en ekstra veilige parkeerplek vir 'n tweede voertuig. Gaste het toegang tot 'n omheinde, gemeenskaplike swembad en die kompleks het direkte toegang tot die strand.

Gaste kan verskeie doendinge en besienswaardighede in die area geniet, soos gholf, die Gateway-winkelsentrum, skubaduik, snorkel, vryval, die Croc Valley Natuurreservaat en uShaka Marine World.