Mahudzi Guest House

Voeg by Gunstelinge

 

Beskrywing

Mahudzi Gastehuis is 'n huldeblyk aan die streek en sy ryk erfenis wat weereens vandag bedreig word. "Mahudzi" is die naam van een van die groot ivoordraers wat in die sentrale gedeelte van die aanliggende Krugerwildtuin geleef het en wat op sy beurt vernoem is na die Mahudzi rivier noord van Letaba. Die woord "Mahudzi" beteken "Verbyganger" in Tsonga. Mahudzi is dikwels in die teenwoordigheid van ander groot ivoordraers gesien, maar dit is nie bekend wat van hom geword het nie aangesien sy ivoor nooit gevind is nie.

Mahudzi Gastehuis is 'n selfsorg-eenheid of 'n gedienste eenheid met 4 slaapkamers. Maaltye kan op versoek voorberei word, die eenheid word ten volle gediens en is gerig op families of besigheidsgroepe wat private en veilige akkommodasie in die hartjie van die Laeveld soek. Geriewe sluit vier dubbelkamers elk met eie badkamergeriewe in, lugversorging en DStv in elke kamer en 'n groot en ruim sitkamer en eetkamer met onbelemmerde toegang tot die lapa, braai-area en swembad.

Mahudzi Gastehuis is sentraal geleë in Phalaborwa in 'n rustige, voëlryke omgewing naby 'n hooftoegangsroete na die Krugerwildtuin, ongeveer 3 kilometer van die Phalaborwa hek. Phalaborwa, bied 'n verskeidenheid geriewe, dienste en fasiliteite en is ook naby aan 'n verskeidenheid plekke om te sien en dinge om te doen. Phalaborwa is geleë in die hartjie van die Laeveld, en kan bereik word via skilderagtige roetes vanaf Polokwane en Tzaneen in die noorde of via Dullstroom, Lydenburg, Ohrigstad en deur die JG Strijdom tonnel. Daaglikse, direkte vlugte is beskikbaar tussen O.R. Tambo Internasionale Lughawe en Phalaborwa Lughawe. Phalaborwa is ook naby die welbekende Hans Merensky Golfbaan geleë. Mahudzi Gastehuis bied 'n ideale tuiste waarvandaan die omgewing verken kan word.

Kaart Meer oor die omgewing 

Gaste wat na Mahudzi Guest House gekyk het, het ook belangstelling getoon in die volgende lekke plekke:

Vanaf R1 035 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false