Makumu Private Game Lodge

Voeg by Gunstelinge

 

Beskrywing

Makumu is 'n luukse privaat wildlodge wat alles insluit en vorm deel van die Klaserie Privaat Natuurreservaat in Hoedspruit. Klaserie is een van die grootste privaat natuurreservate in Suid-Afrika en is deel van die Groter Kruger Nasionale Park.

Makumu Luxury Private Game Lodge is die produk van 'n droom wat die eienaar al van sy kindertyd af koester. Die asemrowende wildlodge is met die ondersteuning van sy familie en 'n toegewyde span kreatiewe mense geskep. Hiér word jy omring met die warmte, aardse kleure en ryk teksture van Afrika.

Verblyf is beskikbaar in luukse villas, elkeen met sy eie unieke styl en dekor. Die villas het muurproppe vir elektroniese toestelle, maar word deur sagte kerslig belig. Elke kamer het 'n oorhoofse waaier en 'n privaat en suite-badkamer.

Die lodge se houtdek is aan die oewer van die Leopard-seisoenrivier geleë en word hoofsaaklik vir aandete gebruik. Gaste kan onder die oop Afrika-sterrehemel by die vuur sit en ontspan, asook due gebrul van 'n leeu of 'n luiperd en die roep van 'n uil hoor. Die lodge bied rustige en intieme boma-etes.

Daar is ook 'n swembad om in af te koel na 'n dag in die Afrika-son. Dié swembad pas in by die omringende bosveld en gaste moet dus nie verbaas wees as 'n olifanttrop hier kom kuier om hul middagdors te les nie.

Daar is 2 wildritte per dag in oop Landrover met 'n gewapende wildbewaarder en 'n shangaan-spoorsnyer op soek na die ontwykende Groot Vyf, asook die klein en groot wonders van hierdie pragtige stukkie van Suider Afrika. Wildritte word normaalweg vroegoggend en laatmiddag gedoen.

Die kans om wild te sien is goed by Makumu! Vanaf die voëllewe vroeg in die oggende soos die son oor die horison begin loer, tot ons inwonende vlakvark-gesin wat die lodge se grasperk besoek en die olifanttrop wat hulle dors by die swembad les, daar is altyd die kans op 'n wildervaring.

Let asb. daarop dat die bewaringsfooi nie by die tarief ingesluit is nie en apart betaalbaar is wanneer die bespreking gemaak word.

Kenmerke

  •  Afrikaans
  •  Swembad
  •  Veilige Parkering
  •  Gratis WiFi

Aktiwiteite Naby

  •  Groot 5
  •  Voëlkyk
  •  Wildritte
  •  Wildkyk
  •  Begeleide Wandelpaaie

Aktiwiteite op perseel

  •  Groot 5
  •  Voëlkyk
  •  Wildritte
  •  Wildkyk
  •  Begeleide Wandelpaaie
  •  Swem

Betaalopsies op Perseel

  •  Visa
  •  Mastercard
  •  Elektroniese Fondsoorplasing

Geriewe

  •  Kroeg
  •  Lughawe-pendeldiens Op Versoek
  •  Swembad
  •  Begeleide Wildritte Ingesluit
  •  Portier
  •  Gastesitkamer
  •  Wasgoeddiens
  •  Geen Rook Binnenshuis
  •  Masseer- en Skoonheidsterapie
  •  Restaurant op Perseel
  •  Persoonlike Kluis
  •  Daaglikse Skoonmaakdiens
  •  Gimnasium
  •  Gratis WiFi
  •  WiFi

Hier praat ons

  •  Afrikaans
  •  Engels

Maaltye Aangebied

  •  Ontbyt
  •  Aandete
  •  Drankies ingesluit
  •  Middagete
  •  Tee
  •  Alle Etes Ingesluit

Parkeerplek

  •  Veilige Parkering
  •  Parkering Van Die Straat Af

Kaart Meer oor die omgewing 

Gaste wat na Makumu Private Game Lodge gekyk het, het ook belangstelling getoon in die volgende lekke plekke:

Vanaf R14 560 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za