Malmane Eye Private Nature Retreat

Kleine Eden.

Wow! Wat 'n lekker ondervinding. Lemar is 'n bestuurderes duisend! Lizzie het gasvrou gespeel en alles was in plek met aankoms. Niks is uitgelaat nie en al wat nodig is om uself te bring. Daar was genoeg warmgoed teen die winterkoue en selfs 'n lekker binnenshuise vuurherd vir braai. Die Njalas groet jou saam met 'n eekhoring of twee. Die watergat is baie privaat en mooi ingerig om die natuurliefhebber en visvanger te akkommodeer. Luilekker ontspanning met 'n glasie Merlot in die warm Jacuzzi op die opelugstoep laat enige stress sommer gou verdwyn terwyl die skemer daal en die voeltjies hul laaste dagsang afsluit en die paddakoor oorneem vir die nag onder 'n sterrehemel. Beddegoed is van goeie gehalte en skoon. Opgradering aanbevelings. Die enigste waardige opgradering wat sal moet geskied is die 2x TV's vir DStv, KYKnet Kanaal 144, 145, 146, 147 te Lapa en Moonstone Cottage.

Breathtaking.

Absolutely beautiful place, a piece of Heaven bot far from Lichtenburg in the North West stunning views peaceful, Lamar a brilliant host stunning baskets available. Just stunning.

Diamand status.

Ek en my vrou reis baie oorsee en het SA al plat getoer. Hierdie is een van min wat my regtig verras het. Alklaar my vriende vertel en ons beplan om as n groep terug te gaan. Het die naweek geniet. Was goeie waarde vir geld en plek regtig veilig. Definitief n plek waar jy kan voete opskop. Word sterk aanbeveel.

Rustig en sielslekker.

Dis 'n ongelooflike rustige plek waar jou siel kan rus kry en jy kan tyd saam met jou familie spandeer.

Dit was 'n aangename ervaring en besoek.

Dit is 'n baie mooi plek met vriendelike en behulpsame gashere. Ongelukkig moes ons vroeër vertrek as beplan en kon dus nie alles op die plaas en in die omgewing doen wat beskikbaar was nie. Hopelik volgende keer.

Pragtige plek om te rus en ontspan.

Ons was regtig aangenaam verras met Malmane. Die foto's lyk mooi, maar mens kan dit regtig net opsom as jy eers in persoon daar was. Die uitkyk oor die oog/dam verskaf 'n rustigheid wat 'n mens net langs die water kan kry. Daar is verskeie kamer-opsies. Ons vriende het die chalet geniet, en ons was dolgelukkig met die glamping opsie in 'n groot seiltent. Die area is ryk aan voëllewe, veral vroegoggend en laatmiddag. Lemar was 'n wonderlike gasvrou, en altyd beskikbaar op WhatsApp sou ons haar benodig. Die hoofhuis is meer as 100 meter weg, en steeds is die gaste-area totaal privaat agter bome weggesteek. Mens is nie eers bewus van hulle nie - so dit voel asof jy jou eie oord het net vir jouself. Die geriewe in die lapa (kombuis, binnebraai ens) is fantasties goedgerus, en daar is WiFi om in kontak te bly met die buitelewe (let dat selfoon-opvangs baie swak is, maar WhatsApp werk goed op die WiFi vir kommunikasie). Ons het nie die beste weer gehad nie (reën meeste van die tyd) so ons was grotendeels onderdak, maar het steeds die rus en stilte baie geniet. Ek kan die plekkie definitief aanbeveel vir 'n private groep of familiewegbreek. Dankie Lemar, dit was baie lekker om in jou plekkie te bly vir die paar dae!

It was relaxing even if it was just the one night.

Will definitely go back with friends.

I never knew a place so beautiful existed this side of our country.

The venue is absolutely stunning, we were all blown away from the very first second that we arrived. Everything is very neat and tidy. The facilities are impeccable.

Ons het lekker gerus en die natuur geniet.

Die verblyf is skoon en gerieflik en het als wat jy nodig het. Dis die perfekte plek vir 'n wegbreek van die stad of om saam 'n paar familie of vriende te kuier. Ons sal beslis weer 'n draai wil kom maak.

Baie goeie kliëntediens!

Dit was heerlik gewees! Ons het ver gereis en laat die aand daar arriveer en vroeg weer gery, maar was baie mooi gehelp deur Lemar - sy het uitstekende aanwysings gegee en het heeltyd seker gemaak alles is 100%! Alle geriewe is skoon, mooi en baie aangenaam gewees! Ons sal weer daar bly as ons weer in die omgewing kom!

An absolute gem.

What a hidden treasure, a truly beautiful setting full of bird life and nature and the cleanest, clearest water in the "eye" that I've ever seen. A complete natural haven. Lamar went out of her way as regards every comfort for the stay, a beautiful bedroom complete with percale linen, huge bath tub and lovely little details to attention in all aspects. Recommended.

Goed vir die siel, ontspan en geniet die natuur.

Word aanbeveel, skoon, netjies en vriendelike mense.

Uit die boonste rakke!

Baie lekker gebly! Diens tops!

We had an absolutely wonderful, ideal weekend at Malmane retreat.

Malmane retreat is the most relaxing place to stay. The cottage and lapa are both lovely, fully equipped with everything you may need, neat and clean and there are lovely touches added in many little areas. The setting is so magical, lush lawn to relax on, facing the beautiful dam with crystal clear water to play in. The water comes from a natural eye, which is such a treat to experience. Paddling around the dam looking into the clear water is so special. You can see the bottom, the fish swimming around and the water plants growing under the water. The abundant bird life and calls really warmed our hearts. There are lovely walks and woods to explore. Malmane retreat really has a special mood that helps one to relax and be at such peace. The hosts are so lovely and really went out of their way to make us feel special. Thank you.

Baie aangenaam.

Malmane Eye Retreat het al my verwagtinge oortref! 'n Juweel van plek, ware oase!

Asemrowend, natuur se stilte toegevou!

Gasvryheid uit die boonste rakke! Soveel ekstra moeite gedoen, regtig die besoek werd! Sal beslis weer gaan! Baie baie dankie!

Wonderlike geleentheid om te rus en net die natuurskoon te waardeer.

Ons ervaring by Malmane Eye Private Retreat was werklik een vir die boeke. Die huis is baie goed ingerig en alles is daar wat jy benodig en nog meer. Dis netjies, skoon en pragtig. Daar is net iets spesiaals van die plek wat moeilik is om te verwoord. Daar is die geleentheid om baie aktiwiteite te doen, soos fietsry en stap op die verskillende bos paadjies. Ons het ook heerlik geswem in die dammetjie wat kristalhelder water het. By Malmane sal jy definitief die natuurskoon net weereens kan waardeer en saam met dit goed kan uitrus vir 'n nuwe week.

Spesiaal.

Na aan die natuur, lekker om die siel te rus.

Malmane Eye is 'n oase vir die siel!

Malmane Eye se verblyf is die ideale bestemming vir 'n wegbreek - of dit net jy en jou ander helfte is, of jy en jou hele gesin! Ons is vriendelik ontvang en Lemar het elke dag ingeloer om seker te maak dat ons alles het wat ons nodig het. Die ruim lapa en die aparte kothuis is omring met koeltebome en is reg langs die water van 'n natuurlike oog. Die lapa is goed toegerus, het addisionele slaapplek in die 'loft' en sy eie badkamer. Die Kothuis is snoesig, het ook 'n badkamer en 'bad met 'n uitsig'! Die ligging is perfek vir voël-kykers en vissermanne, aktiewe mense kan die springmat en kano geniet. As jy net wil ontspan is daar gemaklike lê-stoele waarin jy die natuurskoon en 'sundowners' kan geniet. Malmane Eye is sowat 50 km ('n gemaklike 40 minute se ry) na Mahikeng en jy kan daar tuisgaan as in die omgewing moet wees vir besigheid. Malmane is voorwaar 'n oase in die Noordwes-provinsie.