Noorspoort Self-Catering Guest Farm

Selfsorg

Kapasiteit: 26 persone
Inkloktyd: 15:00 tot 17:00
Uitkloktyd: 10:00
Adres: Noorspoort Guest Farm, Posbus 29, Steytlerville, 6250, Oos-Kaap
Alle ouderdomme is welkom
Vanaf R1 200 per nag, vir 2 mense

Beskrywing

By Noorspoort Self-Catering Guest Farm kan gaste verblyf geniet in 150 jaar oue verblyf of in die Oudepos Karoo Vista House. Noorspoort Self-Catering Guest Farm is in die suidelike deel van die Karoo, asook die poort na Baviaanskloof. Dié plaas is al vir generasies in dieselfde familie en bied verwelkomende verblyf.

Verblyf is beskikbaar in 6 en suite-slaapkamers.

Die Wittebroodsuite het 'n koninggrootte-bed en 'n en suite-badkamer met 'n vrystaande bad. Daar is ook 'n yskassie en tee- en koffiemaakgeriewe.

Die 2-Enkelbedkamers het elk 2 driekwartbeddens, katoenlinne, hipoallergeen-donsduvets en 'n en suite-badkamer met 'n stort, toilet en wasbak. Die kamers het ook tee- en koffiemaakgeriewe.

Die Gesinskamer het 4 driekwartbeddens in die eerste slaapkamer en 2 beddens vir kinders in die stoepkamer. Daar is ook 'n en suite-badkamer met 'n stort.

Die plaas is net 5 km van die middedorp af wat beteken gaste kan wegbreek uit die gedruis, maar ook naby Steytlerville se geriewe wees.

Oudepos Karoo Vista is geskik vir 12 gaste en is net 2 km vanaf die hoofhuis. Dit het 3 slaapkamers en 3 badkamers. Die eerste slaapkamer het 'n dubbelbed en 'n stapelbed wat geskik is vir 4 gaste. Die tweede en derde slaapkamer het 2 driekwartbeddens en 'n stapelbed. Elke kamer is geskik vir 4 gaste. Die kombuis is ten volle toegerus vir selfsorg en daar is braaigeriewe.

Hierdie plaas is 'n skaap-, bees- en lusernplaas waar 3 plantbiome saamvloei: broodbome, melkbosse en kanniedood-plante. Die plaas het 'n verskeidenheid Karoo-voëlspesies en die Groot Gamtoosrivier loop deur die plaas, wat bydra tot die volop voël- en plantelewe.

Dié plaas fokus meer en meer op regeneratiewe boerderypraktyke en die 100 olyfbome word sonder plaagdoders gekweek en word met tuisgemaakte kompos en wurmtee gevoer.

Gaste het toegang tot die unieke rotsformasie van Draaikrans, asook toegang tot die plaas vir voetslaan of bergfietsry.