Ouma se Huis

Voeg by Gunstelinge

 

Beskrywing

Ouma se Huis is die oorspronklike plaashuis wat sedert die 1940’s deur een van die pionierfamilies van die Boegoebergwaterskema langs die Oranjerivier by Grootdrink bewoon is.

Die huis is met sorg gerestoureer deur van die kinders wat hier groot geword het op die plaas Opkyk, om as selfsorggastehuis te dien met ‘n gerieflike, ontspanne plaasatmosfeer.

Die plaas behoort steeds aan die familie en produseer druiwe vir wyn en rosyne asook lusern en pekanneute.

Ouma se Huis is langs die N10 ongeveer 75 km van Upington en 45 km van Groblershoop en is die ideale plek vir oorslaap op die roete van die Oos Kaap, KZN of Vrystaat na die noordelike bestemmings soos Namibië, Augrabies, Kgalagadi en Namakwaland.

Hier is 4 slaapkamers, 2 met eie badkamers ( slegs storte) en 2 kamers wat ‘n vol badkamer deel. Silwerskoon wit beddegoed, sagte handdoeke, tee, koffie en tuisgebakte beskuit word verskaf.

Die gemeenskaplike sitkamer het ‘n televisie en ‘n kaggel wat al menige koue aande vir laatnag kuiers gesorg het. Hout word verskaf. Die eetkamer en kombuis is goed ingerig om etes voor te berei. In die tuin is ook ‘n braaiplek vir aangename buite kuiers met braaihout en ruim speelplek vir kinders.

Dis ‘n ongeveer 500 meter stap na die rivier waar piekniek gehou kan word, baie voëls is om te besigtig of vis te vang. Of geniet net die rustigheid van die water en omgewing.

Op ‘n warm dag bied die sement dam by die huis ‘n heerlike afkoelplek vir die wat wil swem. Of bewonder die sonsondergang in die rustigheid van die tuin op ‘n mooi aand en kyk na die sterre in die skoon, onbesoedelde hemelruim.

Kenmerke

  •  Afrikaans
  •  Braaiplek
  •  Veilige Parkering

Aktiwiteite Naby

  •  Perdry
  •  Visvang
  •  Voëlkyk
  •  Wynproe
  •  Fietsry
  •  Wildritte
  •  Wildkyk
  •  Bergfietsroetes
  •  Swem

Aktiwiteite op perseel

  •  Visvang
  •  Voëlkyk
  •  Fietsry
  •  Begeleide Wandelpaaie
  •  Bergfietsroetes
  •  Swem

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Braaiplek
  •  Gastesitkamer
  •  Kombuisgeriewe
  •  Geen Rook Binnenshuis
  •  Malaria-vrye streek
  •  Selfsorg

Hier praat ons

  •  Afrikaans
  •  Engels

Maaltye Aangebied

  •  Etes Op Versoek

Parkeerplek

  •  Veilige Parkering
  •  Onderdakparkering

Kaart Meer oor die omgewing 

Gaste wat na Ouma Se Huis gekyk het, het ook belangstelling getoon in die volgende lekke plekke:

Vanaf R550 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false