Palmwag Camping2Go

Tentekamp

Kapasiteit: 32 mense
Inkloktyd: 14:00 tot 20:00
Uitkloktyd: 10:00
Adres: Langs die C43, Palmwag Lodge, Palmwag, 0000, Kunene
Alle ouderdomme is welkom
Vanaf R1 790 per nag, vir 2 mense

Beskrywing

Palmwag Camping2Go is tussen Kaokoland en die Skedelkus waar die Etendeka-berge en die rooiklip-tapyt die sytakke van die Uniabrivier ontmoet. Dié tentkamp is ideaal vir natuurliefhebbers en is in 'n rustige omgewing waar die makalanipalms in die wind swaai.

Verblyf is beskikbaar in 8 struktuurtente, elk met 4 enkelbeddens, 'n en suite-badkamer met 'n stort, en 'n kombuis wat met 'n yskas, stoof, wasbak, nodige kooktoebehore en eetgerei toegerus is. Verder is daar 'n buitebraai en 'n vuurput waar gaste kan kuier en die Namibiese naghemel te geniet.

Die geriewe by Palmwag Lodge is beskikbaar vir gaste. Gaste kan etes op versoek geniet of in die swembad afkoel. Aktiwiteite sluit renosteropsporing en Damaraland-wilduitstappies in.

Kry ’n Kwotasie