Platteland Gastehuis

Rustig.

Baie lekker gebly - net te laat daar aangekom om dit werklik te geniet. Ongelukkig was ons hout op en kon dus nie 'n vuurtjie maak nie. Die woonstelletjie is keurig ingerig met fyn afronding. Die warm lig in die badkamer was heerlik op 'n koue wintersoggend.

Uitstekend.

Lieflike stylvol-ingerigte kamer met alles wat nodig is vir 'n stil gesellige oornag-stop.

'n Pragtige kamer om gedurende 'n lang reis te rus.

Platteland Gastehuis bied wonderlike oornagverblyf. Die kamer is pragtig versier, baie skoon, privaat en stil en goed toegerus. Die gashere is lieflik. Die moeite werd om te rus en te herstel op 'n lang reis.

Baie lekker gebly, dankie vir die gasvryheid.

Gasvry, pragtige netjiese kamers, baie lekker aandete. Heerlik geslaap. Sal dit definitief aanbeveel.

Rustig en gemaklik.

Die gastehuis is een kant en werklik in die "platteland" en baie geskik as 'n oornagfasiliteit. Die watervoëls wat laatmiddag oorgevlieg het was besonders gewees. Sou net graag 'n enkelplaatstofie daar wou gesien het sodat ons ons eie perkoleerkoffie kon gemaak het.

Ongelooflik rustige plekkie waar jy jou eie ding op jou eie tyd kan doen.

Wat 'n ongelooflike lekker plekkie. Ek en 'n kollega het die twee kamers geboek, gebraai en gekuier tot vroeg oggend. Die kamers is eenkant geleë, laat jou gemaklik voel om jou eie ding te doen. Gasvryheid was fantasties!

Aangename verrassing.

Dit was 'n heerlike oornagverblyf, aandag aan klein dingetjies maak die gastehuis spesiaal. Baie dankie Laurike dat jy ons vroeër ontvang het.

Ideale oornagplek in Jan Kempdorp.

Alles wat mens nodig het: goeie bed, platskerm-televisie met honderde DSTV-kanale, eie braaiplekkie, iets tussen 'n swembad en 'n plaasdam (swemhanddoeke word verskaf). Netjies en skoon. Baie billik geprys.

So mooi en lekker gastehuis - dankie!

Dis rêrig sulke mooi kamers - kreatief en stylvol, met 'n heerlike ontspanne atmosfeer net buite die dorp en vriendelike mense (en honde) wat jou verwelkom. Baie dankie vir die lekker verblyf!

Fantasties.

Rustige omgewing om lekker te ontspan en te rus na 'n dag se harde werk. Net 'n groter tafel en stoel om by te sit en werk met 'n skootrekenaar, asseblief. Aandag aan die klein dingetjies word gegee. Daar is alles wat jy nodig het en alles werk 100%. Genoeg spasie wat goed benut word en alles is skoon en netjies. Volgende keer gaan ek beslis vroeër daar opdaag om in die swemdam te kan afkoel. 'n Goeie eetplek is net om die draai by die gholfbaan. Ek het baie lekker gebly.

Ek sal geen ander plek in Jan Kempdorp eers probeer nie.

Dit is hoe ek 'n nag met 'n sakereis wil spandeer. Rustig op my eie om af te skakel van die dag se gewoel en werskaf.

Heerlik!

Baie lekker gebly. Kamer was baie netjies, skoon en gerieflik. Vriendelike diens. Sal beslis weer gaan!

Ongelooflike mooi plek. Baie goeie diens!

Sal die plek definitief aanbeveel. Dis so mooi en rustig en die eienaars was vriendelik en het uit hulle pad gegaan om dit onvergeetlik te maak.