Plottie

Selfsorg

Langtermynverblyf-aanbod 15% af

Kry 15% af vir verblyf wat 7 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 10 mense
Inkloktyd: 16:00 tot 23:00
Uitkloktyd: 10:00
Adres: Nerina-weg 10, Struisbaai, 7285, Wes-Kaap
Alle ouderdomme is welkom
Vanaf ~~R840~~ R714 per nag, vir 2 mense

Beskrywing

Plottie is 'n ruim vakansiehuis in Struisbaai wat selfsorgverblyf bied wat stapafstand van die skilderagtige hawe, strand en winkels af geleë is.

Plottie het twee aparte eenhede. Die hoofhuis en 'n eenslaapkamerwoonstel met 'n privaat ingang en agterplaas.

Die huis se hoofslaapkamer het 'n koninggrootte-bed. Die tweede slaapkamer het 2 stapelbeddens. Die badkamer het 'n stort, toilet en wasbak. Beddegoed word voorsien, maar gaste moet hul eie handdoeke saambring.

Die huis se leefarea en kombuis is oopplan en die kombuis is met 'n oond, mikrogolf, skottelgoedwasser, ketel, broodrooster, vollengte yskas, vollengte vrieskas en 'n groot diepvrieskas toegerus.

Die huis het 'n tweeplaatgasstoof as alternatief tydens beurtkrag. Die ligte in die hoofleefareas is aan 'n ononderbroke kragtoevoerstelsel gekoppel en 'n draagbare herlaaibare lig word voorsien. Die huis het 'n TV met DStv en WiFi wat aan die UPS gekoppel is. Die leefarea het 'n lekker kaggel.

Die huis het 'n binnehof met 'n onderdakbraai-area. 'n Braairooster en eetgerei word voorsien.

Die woonstel se hoofslaapkamer het 'n koninggrootte-bed en 'n en suite-badkamer met 'n bad, stort, toilet en wasbak. Die woonstel het ook 'n stapelbed in die leefarea. Beddegoed word voorsien, maar gaste moet hul eie handdoeke saambring.

Die woonstel se leefarea en kombuis is oopplan en die kombuis is met 'n tweeplaatgasstoof, mikrogolfoond, ketel, broodrooster en yskas/vrieskas toegerus.

Die ligte in die woonstel sluit noodbeligting tydens beurtkrag in en 'n draagbare herlaaibare lig word voorsien. Die woonstel het 'n slim-TV en WiFi wat aan die UPS gekoppel is.

Die woonstel het 'n braai-area met skadu in die ruim agterplaas. 'n Braairooster en eetgerei word voorsien.

Parkeerplek is op die perseel beskikbaar.

Die verblyf is 4 km vanaf Kaap Agulhas geleë, wat die mees suidelike punt van die Afrika-kontinent is. Dit is ongeveer 250 m vanaf die strand, 750 m vanaf die hawe en 1300 m vanaf die winkels en hoofswemstrand.