Portofino 1

Selfsorg

Kapasiteit: 6 persone
Inkloktyd: 14:00 tot 21:00
Uitkloktyd: 10:00
Adres: Ipahla-weg 1, Portofino 1, Ballito, 4420, KwaZulu-Natal
Alle ouderdomme is welkom
Vanaf R3 265 per nag (plek vir 6)

Beskrywing

Portofino 1 is 'n lieflike, luukse villa wat in 'n veilige kompleks in Shaka's Rock, Ballito geleë is. Hierdie pragtige huis het 'n privaat braai en 'n swembad.

Dié dubbelverdieping-villa het slaapplek vir 6 gaste en 2 kinders en beskik oor 4 en suite-slaapkamers. Die ruim hoofsuite het lugversorging, 'n koninggrootte-bed en 'n en suite-badkamer met 'n stort. Die tweede slaapkamer het 'n koninggrootte-bed en die derde slaapkamer het 2 enkelbeddens. Daar is 'n stapelbed vir 2 kinders in die vierde slaapkamer. Hierdie 3 slaapkamers het ook 'n en suite-badkamer met 'n stort.

Die hoofleefarea is op die grondverdieping en het lugversorging. Dit het 'n oopplan-ontwerp met 'n kombuis, eetarea en leefarea. Die kombuis is met 'n gasstoof, oond, mikrogolf, koffiemasjien, yskas-vrieskas, ysmasjien, eetgerei en breekware toegerus en daar is 'n toonbank met sitplek vir 6. 'n Skottelgoedwasser, wasmasjien en 'n tuimeldroër is ook beskikbaar.

Die kombuis lei na 'n eetarea, waar gaste hul maaltye rondom die etenstafel kan geniet, en dan na die sitarea met sy gemaklike rusbank en 'n TV en die volle DStv-pakket. Die stapeldeure lei na 'n onderdakstoep met buitemeubels, 'n swembad en 'n ingeboude braai.

Daar is veilige parkeerplek in 'n dubbelmotorhuis, asook ekstra besoekersparkeerplek.

Kry ’n Kwotasie