Rooipan Guest House

Voeg by Gunstelinge

 

Beskrywing

Rooipan Guest House is halfpad tussen Upington en die Kgalagadi Oorgrenspark geleë en dit is die ideale oornagplek op die R360. Hier kan jy gerief en hartlike gasvryheid te wagte wees.

Jou vriendelike gashere sal vir jou 'n klomp staaltjies van die area vertel en hulle sal sorg dat jy met 'n heerlike ontbyt, wat regte koffie en vars sap insluit, bederf word. Die inheemse fauna en flora, die buitelewe, die kunstige atmosfeer, sagte badhanddoeke en houtvure wat brand dra tot 'n onvergeetlike ervaring by.

Selfsorgverblyf word in 'n tuinkothuis langs 'n swembad aangebied. Die kothuis het 'n privaat ingang en gaste het toegang tot braaigeriewe en WiFi. Die kothuis het slaapplek vir tot 3 gaste en beskik oor 1 badkamer, 'n kombuisie en 'n eet- en sitarea. Daar is 3 privaat dubbelkamers in die hoofhuis. Die 3 kamers het toegang tot 'n gedeelde badkamer en ekstra toilet. Dit is ideaal vir gesinne of 'n groep vriende. Etes is ekstra en word op versoek en indien vooraf bestel in die eetkamer bedien. Gaste geniet toegang tot 'n knus leefarea, 'n sitarea met DStv en 'n swembad.

Ontspan in die tuin met 'n boek van ons klein biblioteek, teug aan 'n glas wyn of koel lekker af in die swembad. Gaste kan lang wandelinge in die area geniet wat spog met baie inheemse fauna en flora. Gaste kan 'n rit op hulle eie na die soutpan onderneem waar hoë gehaltesout produseer word. Dié sout word vervoer na Upington en vandaar versprei na die hele land, asook na die res van Afrika. Ons is werkende 'n skaap- en beesplaas. 'n Skemerkelkie op 'n hoë sandduin kan voor inklok teen 'n minimum ekstra koste bespreek word.

Kaart Meer oor die omgewing 

Gaste wat na Rooipan Guest House gekyk het, het ook belangstelling getoon in die volgende lekke plekke:

Vanaf R900 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za