Rueby's Guesthouse

Gastehuis

Gratis kansellasie tot 1 week voor jou verblyf!
Kapasiteit: 7 mense
Inkloktyd: 14:00 tot 21:00
Uitkloktyd: 11:00
Adres: Ingwenya-laan 606, Dullstroom, 1110, Mpumalanga
Alle ouderdomme is welkom
Vanaf R3 000 per nag (plek vir 7)

Beskrywing

Rueby's Guesthouse is 'n ruim selfsorg-vakansiehuis in die bekoorlike dorpie Dullstroom in Mpumalanga. Dit is die ideale basis vir gaste wat die oulike dorpie wil verken saam met familie en vriende.

Die eiendom bied slaapplek aan 7 gaste en beskik oor 3 slaapkamers en 3 badkamers sowel as 'n gastetoilet. Die hoofsuite het 'n koninggrootte-bed, 'n enkelslaapbank, 'n spieëltafel en 'n kaggel. Hierdie kamer het ook 'n privaat stoep en 'n en suite-badkamer met 'n instapstort, wasbak en toilet. Die tweede slaapkamer het 'n koningingrootte-bed en 'n en suite-badkamer met 'n bad en stort. Die derde slaapkamer het ook 'n koningingrootte-bed en maak gebruik van 'n derde badkamer met 'n stort. Alle linne, badhanddoeke en badseep word voorsien.

Die oopplan-leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei, breekware en 'n toonbank met stoeltjies toegerus is. Die kombuis lei na 'n etenstafel met 'n antieke Aga-koolstoof wat aangesteek kan word wanneer die aande koud raak. Hierdie area lei op sy beurt na 'n sitarea met gemaklike sitplek, 'n kaggel en 'n TV met volledige DStv. Gratis WiFi is beskikbaar.

Daar is ook 'n speelhoekie vir kinders met speelgoed beskikbaar. Stapeldeure lei van die sitarea na 'n onderdakstoep met 'n etenstafel en ingeboude braaigeriewe. Die groot tuin is omhein sodat troeteldiere vrylik kan rondbeweeg. Veilige parkeerplek is beskikbaar agter 'n geslote hek.

Kry ’n Kwotasie