+28

Sanderling Beach House

16 resensies

Selfsorg

Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Rocherpanstraat 22, Dwarskersbos, 7365, Wes-Kaap
Alle ouderdomme is welkom
Vanaf R3 000 per nag (plek vir 6)

Beskrywing

Sanderling Strandhuis is 150 km buite Kaapstad, op Dwarskersbos se strand geleë, naby die Bergrivier en Rocherpan Natuurreservaat.

Dié huis bestaan uit 3 slaapkamers, 3 badkamers en ’n volledig toegeruste kombuis met ’n skottelgoedwasser en ’n wasmasjien. Daar is ’n platskerm-TV met die volledige DStv-pakket, ’n DVD-speler met ’n fliek- en musiekstelsel, ’n CD-speler en ’n iPod-koppelstasie. Gaste kan ook gebruik maak van die versameling boeke en speletjies. WiFi word voorsien.

Een slaapkamer is op die boonste verdieping en spog met ’n koninggrootte-bed en ’n volledige en suite-badkamer. Die ander 2 slaapkamers is op die grondvloer. Die een het ’n koningingrootte-bed en ’n en suite-badkamer met ’n stort en ’n toilet, en die ander een het 2 driekwartbeddens en ’n aangrensende badkamer met ’n bad en ’n toilet. Linne en handdoeke word voorsien, maar gaste moet hulle eie strandhanddoeke saambring.

Die strandhuis het ’n stoep en ’n onderdak-area met 'n ingeboude braai aan die seekant. Op die boonste verdieping is daar ’n oop balkon wat asemrowende see- en stranduitsigte bied en ideaal is vir sterrekyk. Tydens ebgety kan jy lekker lang ente op die strand gaan stap, draf of fietsry. Sanderling Strandhuis bied die ideale wegbreekplek!

Kry ’n Kwotasie