SANParks Gharagab Wilderness Camp

Voeg by Gunstelinge

 

Beskrywing

Gharagab Wilderness Camp is 'n nie-omheinde kamp in die verre noorde van die Kgalagadi Oorgrenspark. Hiér kan gaste asemrowende uitsigte van die Kgalagadi-duine en die doringbossavannes geniet. Gharagab is slegs bereikbaar deur 4x4-voertuie op 'n eenrigtingsandpaadjie wat van die grootpad afdraai sowat 20 km vanaf Grootkolk. Dié kamp is naby Union's End in die noorde van die park en gaste het die geleentheid om die mooi boom- en grassavannaveld van die Kalahari se ervaar.

Die kamp het 4 houthutte wat elk 2 enkelbeddens het, asook 'n badkamer met 'n stort, toilet en wasbak. Die kombuis is toegerus met 'n gasyskas-vrieskas, eetgerei, breekware en kombuistoerusting. Die wasbakke het ligte wat met sonkrag werk, warm water deur middel van gas en braaigeriewe op die dek. Die eenhede is uit 'n kombinasie van hout, riet en seil gemaak. Die water in hierdie area bevat baie sout en kan nie eers vir kosmaak gebruik word nie. Gaste moet dus onthou om hul eie water saam te bring.

Elektrisiteit in die kamp word deur middel van sonkrag en gas voorsien en daar is geen muurproppe nie. Die kamp het 'n verhewe uitkykpunt. Die kamp is nie omhein nie en daar is ten alle tye 'n toerisme-assistent aan diens. Die kamp kan slegs deur middel van 4x4-voertuie met 'n hoë grondvryehoogte en sonder sleepwaentjies via die eenrigtingpad bereik word.

Kenmerke

  •  Afrikaans
  •  Braaiplek

Aktiwiteite Naby

  •  Voëlkyk
  •  Wildritte
  •  Wildkyk

Aktiwiteite op perseel

  •  Voëlkyk
  •  Wildkyk

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Selfsorg

Hier praat ons

  •  Afrikaans
  •  Engels

Kaart Meer oor die omgewing 

Gaste wat na SANParks Gharagab Wilderness Camp gekyk het, het ook belangstelling getoon in die volgende lekke plekke:

Vanaf R2 010 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za