Baie mooi dam en plaas. Sal definitief weer gaan. Alles mooi, skoon en netjies. Die sonkragpunte vir die kampvrieskas was 'n pluspunt.

Beste plek om af te skakel. Ek het verskriklik baie lekker gebly, die beste plek om net af te skakel en weg te breek van die wêreld af. Fasiliteite was skoon en netjies. Lekker vis gevang en daar is eintlik geen woorde om te beskryf oor hoe lekker dit was nie.

Syringa Sands se Rest Camp bied presies dit - rus. Ses van ons het die afgelope Vrouedag-langnaweek by Syringa Sands se Rest Camp gaan rus. Dit was my tweede besoek aan hierdie plaas, en weer was dit 'n onvergeetlike ervaring. Die Rest Camp bied mense wat nie regtig van kampeer hou nie die geleentheid om saam met 'regte kampers' te gaan uitspan. Daar is twee slaapkamers vir die wat liefs nie in 'n tent wil bly nie, en dan is daar ook genoeg ruimte vir 'n tent of boskaravaan. Omdat 'n mens al jou eie dinge saambring (soos wat 'n mens doen wanneer jy gaan kampeer), is dit so gemaklik soos jy dit wil hê. Daar is 'n lieflike dam by die ruskamp en heelwat wild op die plaas. Ons kon ook lekker berfietsry. Die beste deel is die feit dat daar geen selfoonsein is nie. Dit is al hoe 'n mens regtig van jou rekenaar en jou foon af kan wegkom. Die eienaars is baie gaaf en dit is vir my heerlik dat hulle hul grond met ons deel. Ek maak graag weer 'n draai by Syringa Sands.

Rustige, vredevolle wegbreek uit die stad. Onvergeetlike kampervaring! Mooi en netjiese geriewe wat verblyf net 'n plesier maak - meer as net 'n gewone kampplek. Die gasvrou is ongelooflik behulpsaam en kommunikeer al van voor mens arriveer om alles so gemaklik moontlik te maak!

Net omdat ons 'n tekort gehad het. Ons het onlangs 'n ongelooflike ervaring gehad by Syringa Sands Rest Camp en ek kan dit met 'n geruste hart aanbeveel aan enige persoon wat op soek is na 'n vreedsame en rustige wegbreek. Die gasheer, Alex, was baie vriendelik en behulpsaam, en ons het dadelik tuis gevoel. Haar gasvryheid het die hele ervaring baie aangenaam en maklik gemaak. Die pragtige omgewing en natuurskoon van Syringa Sands het my asem weggeslaan. Die uitsig was asemrowend. Ons kon die vrede en stilte geniet terwyl ons braai, swem en ontspan. Ek kan met sekerheid sê dat ek beslis weer hierheen sal kom. Syringa Sands Rest Camp het my verwagtinge oortref en ek kan nie wag om weer hier te wees nie. Ek beveel dit sterk aan aan enigeen wat 'n rustige en vriendelike bestemming soek. Dankie Alex, sien weer.

Dit was 'n wonderlike naweek. Ons het die rustigheid vreeslik geniet en het die alleenheid en stilte was besonders. Die omgewing met die diere en die dam en die voëls is iets besonders.

Ontspan in die natuur! Ons het 'n heerlike naweek by Syringa Sands Rest Camp deurgebring. Het baie gestap. Sabels, elande, koedoes, rooihartbeeste, rooibokke, bastergemsbokke, njalas en kameelperde gesien. Ook 57 verskillende voëlspesies wat die witkruisarend en die bruinarend insluit. Die Rest Camp is goed toegerus. Ablusiegebou voldoende en warm stort heerlik. Nie luuks nie. Lekker gewees om eie beddegoed saam te neem. Sal weer gaan!

Stilte en vrede. Die grondpad was regtig sleg as gevolg van die reën, maar dit is die moeite werd om dit te trotseer. Die kampterrein is netjies en skoon, die sonkragligte op stoep en kombuis was effektief. Onthou flitse, die ablusie het nie ligte nie, maar wel warm water. Die plante veroorsaak dat die water bruin is, maar heeltemal drinkbaar. Pak dus gerus jou eie drinkwater in.

Wonderlik gekuier by Syringa Sands. Die eienaars, Sean en Alex, het die kampplek so ingerig dat daar geensins iets agtergelaat is om te verseker dat dit so gemaklik as moontlik is wanneer jy daar bly nie, en sou jy aan iets dink wat jy dalk sou nodig hê, is dit daar. Julle het vir seker aan alles gedink, ons sal vir seker weer terugkom vir 'n langer tyd. Die natuur word mooi na gekyk en grootste pluspunt is dat daar geen selfoonontvangs is nie, wat 'n plesier. Sean en Alex, baie dankie vir die wonderlike plek wat julle beskikbaar stel om te ontspan en weg te kom van die alledaagse lewe. Baie dankie!

Wonderlike wegbreekplek in die natuur. Wonderlik om in die natuur te kamp met net stilte orals en wild wat stapafstand weg is. Die geriewe is skoon, netjies en vriendelike bystand is naby. Word baie sterk aanbeveel!