Ten On Tornyn

Selfsorg

Kapasiteit: 15 mense
Inkloktyd: 14:00 tot 19:00
Uitkloktyd: 10:00
Adres: Tornynstraat 393, Oesterbaai, Humansdorp, 6300, Oos-Kaap
Alle ouderdomme is welkom
Vanaf R990 per nag (plek vir 2)

Beskrywing

Ten On Tornyn is 'n lieflike huis wat net 'n hanetreetjie vanaf Oesterbaai se swemstrand geleë is. Dit bied gerieflike gehalteverblyf wat ideaal is vir 'n gesin of groep vriende wat op soek is na 'n vreedsame wegbreek.

Verblyf is beskikbaar in 3 kothuise en 1 drieslaapkamerhuis. Twee van die kothuise het slaapplek vir 2 gaste op 'n dubbelbed, en die derde kothuis het slaapplek vir 3 gaste op 'n dubbelbed en 'n enkelbed. Elke kothuis het 'n en suite-badkamer, 'n oopplan-kombuis en -leefarea, en 'n binnebraai met 'n dek. Die kombuis is elk met 'n yskas, mikrogolf, stoof en tee- en koffiemaakgeriewe toegerus en die buitelug-vermaakarea spog met 'n mooi see-uitsig. Kothuis 1 het dan ook 'n oond.

In die hoofhuis beskik oor 3 slaapkamers, waarvan 2 'n dubbelbed het en die derde 2 enkelbeddens het. Elke badkamer het 'n bad en 'n stort. Die huis het 'n ruim oopplan-leefarea met 'n binnebraai, 'n opwasarea, wasgoedarea en die kombuis is met 'n oond, stoof, mikrogolf, yskas en tee- en koffiemaakgeriewe toegerus. Die stoep het 'n gasbraai en bied 'n uitsig oor die see.

Ander geriewe sluit 'n braai-area, veilige parkeerplek en WiFi in. Ten on Tornyn het ook sonpanele wat kragonderbrekings verhoed.

Gaste het ook toegang tot veilige parkeerplek op die perseel.

Kry ’n Kwotasie