by Thaba Lapeng Mountain Escape | LekkeSlaap

+157

Thaba Lapeng Mountain Escape

90 resensies

Selfsorg

Spesiale Aanbod

Kry 10% af (minimum twee nagte se verblyf). Geldig vir verblyf vanaf 15 Aug 2022 tot 8 Sep 2022 gemaak.

Voorkeurvennoot
Kapasiteit: 16 persone
Inkloktyd: 14:00 tot 19:00
Uitkloktyd: 10:00
Adres: Thaba Lapeng Mountain Escape, R711, Clarens, 9707, Vrystaat
Geen kinders onder 4
Vanaf ~~R940~~ R846 per nag (plek vir 2)

Beskrywing

Thaba Lapeng Mountain Escape beteken "tuiste teen die berg" en bied gerieflike selfsorgverblyf, met 'n manjifieke, panoramiese uitsig op die bergreekse rondom Clarens en omgewing.

Thaba Lapeng is net 10 km vanaf Clarens in die oostelike Vrystaat op die R711 in die rigting van Fouriesburg, net voor Surrender Hill. Dit is net 3 ure se ry van Johannesburg, 4 ure van Durban en 2 ure van Bloemfontein af. Dit is die ideale oornagplek wanneer jy Clarens en die Oos-Vrystaat besoek om te ontspan, of op pad is na Lesotho, of as jy 'n troue by een van die verskeie trou-venues naby ons bywoon.

Thaba Lapeng bied verblyf in 3 oopplan-chalets met selfsorggeriewe langs die hoofhuis en 2 kamers in die hoofhuis wat basiese verblyf bied. Dié 2 kamers is deel van die hoofhuis, maar beskik oor privaat ingange op die stoep.

Die selfsorg-chalets het elkeen 'n oopplan-uitleg en 'n volledig toegeruste kombuis, eetkamer, sitkamer en slaapkamer. Daar is ook 'n en-suite badkamer met 'n bad, wasbak, stort en 'n toilet. Elke chalet het sy eie ingeboude braaigeriewe op sy eie stoep. Linne en handdoeke word voorsien. Skoonmaakdienste kan voorsien word teen 'n nominale fooi, uitgesluit Sondae en openbare vakansiedae.

Die 2 kamers het tee- en koffiemaakgeriewe, 'n mikrogolfoond, ketel, koffie, tee, melk, suiker, beskuit, bekers en glase, en linne en handdoeke word voorsien. Elke kamer het 'n en-suite badkamer met 'n stort, wasbak en 'n toilet. Die kamers is nie toegerus vir selfsorg nie en daar is ook nie toegewyde braaigeriewe vir die kamers nie. Skoonmaakdienste is ingesluit.

Al die chalets en kamers het verwarmers en elektriese komberse vir koue winternagte.

Kry ’n Kwotasie