Thabaphaswa Mountain Sanctuary

Absolutely stunning, a true sanctuary in a stunning camp

We loved everything about the Thabaphaswa Mountain Sanctuary - it was rustic, beautiful, and had everything we needed. The perfect getaway, devoid of electronics and cell signal, allowing us to be in nature and really unwind. The design is really unique, and we loved to interaction with the bush. The ablutions are not just good enough, they're positively enjoyable, and we always had piping hot water for showering. We were always stocked up with plenty of firewood, and had ice and beers available if needed. We also found a pretty cool foodie slide (zip line). Bottom line, we loved it, and will be back!

Peaceful and remote, we had a wonderful weekend at Thabaphaswa!

We were looking for a quiet weekend get-away, close enough to Joburg to get there in reasonable time, and far enough to escape city life. Thabaphaswa was perfect for that and the Honeymoon Suite a great spot to relax and unwind.

Vry en rustig in die natuur.

Alles is reg, maar die Thabaphaswa hoofkamp se warmwaterstelsel (geyser) werk nie. Nogal ‘n slegte ontnugtering en ongemaklik in die winter, veral as jy uitsien na die donkie en lekker buitestort in die natuur!

Pragtige natuurskoon.

Ons het heerlik gekamp met die honde. Pragtige stap en 4x4-roetes. Deon het gereeld kom verneem of alles nog in orde was. Was 'n wonderlike, rustige tyd in die natuur.

Bosveld op sy beste.

Dit was ongelooflik lekker. Deon het uit sy pad gegaan om dit tops te maak. Dit het presies in ons kraal gepas. Lekker staproetes, bergfiets en selfs plaas bedrywighede. Selfs die plaastoilet het ons nostalgie geprikkel. Sal dit sterk aanbeveel as jy die stad uit jou hare wil skrop.

Heeltemal iets anders, 'n avontuur.

Dit is 'n moet vir elke gesin wat net bietjie wil wegbreek. Ek en my man het alleen gegaan, maar wil beslis weer gaan saam met ons kinders of vriende. Dit is die ideale plek om 'n jaareindfunksie te hou. Spanbou. Baie mooi natuurskoon en heerlike staproetes, asook 2 ziplines oor die damme.

Asemrowend.

Was baie lekker, met goeie, vriendelike diens.

Rus en vrede in die natuur.

Was 'n heerlike naweek op Thabaphaswa Mountain Sanctuary. Sal volgende keer vir seker langer wil kuier. Ons het in die Rock Dome - Kiepersol saam met ons kinders en honde gebly. Deon en sy werksmense was baie vriendelik en het elke oggend en aand vir ons die donkie aangesteek vir lekker warm stortwater. Ons kon ook die leeus hoor brul in die vroeë oggendure en het skemertyd geluister na die bobbejane. Die foefie slide was natuurlik vir die kinders die hoogtepunt van die naweek.

Basies, maar regtig naby aan die natuur.

Ons het heerlik gebly. Alhoewel alle fasiliteite regtig baie basies was, was dit voldoende vir ons behoeftes. Ons het in die Rock Dome kamp gebly. Die feit dat basies die hele "Huisie" van glas is, laat jou absoluut deel van die natuur voel. Die kamer is so breed as jou matras, so daar is nie baie ruimte binne nie. Bring ook maar jou eie kampstoel saam.

Nie vir ons nie.

Die verblyf was swak vir R500 per dag. Geen selfoonopvangs.

Dit was super awesome!

Ons hou baie van kamp - maar met ons klein kindertjies 2 en 5 is dit 'n moeilike taak om tent op te slaan ens. Laasjaar het ons gedurende dieselfde periode 'n kamp staanplek bespreek teen R650 per dag en daar was nie een enkele boom op ons staanplek nie. Toe kom ons hierdie jaar af op Thabaphaswa waar ons minder betaal het en soveel geriewe gekry het. Dit was heerlik! Lekker koel tussen al die bome en alles was mooi skoon. Hierdie is definitief 'n beter alternatief vir kamp - en fantastiese waarde vir geld! Julle sal ons vir seker sommer gou gou weer sien.

Unieke verblyf, stilte! Perfekte wegbreek uit stad.

Die Dome Rock eenhede is regtig iets besonders. Die stilte is ongelooflik. Die omgewing is baie mooi.

Mooi rustige plek tussen die berge.

Ons het by die Dome Rock Camp tuis gegaan, wat 'n aangename unieke kamp ervaring - die slaapplek is in die 'glashuisies' wat basies uit vertrekke met bed/matrasse bestaan, elke 'huisie' het 'n buitekombuis met 'n braai-area. Buite kombuis bestaan uit: opwas area, gas stoof, potte en pan, 'n ketel en solar ligte word ook voorsien. Die gemeenskaplike buitelug stort en toilet was skoon en die donkie was oggend en aand gestook vir 'n lekker warm stort. Lekker stap-roetes langs die damme asook teen die berg. Die feit dat daar geen krag en selfoon opvangs is, gee 'n absolute afskakel van die gejaag van die lewe.

Definitief vir mense wat net die natuur wil geniet.

Thabaphaswa is pragtige natuur met heerlike staproetes. Moet nie luukshede verwag nie, dit is primitief en baie lekker. Jy moet definitief 'n natuurliefhebber wees. Baie vriendelike hulp en sal aanbeveel vir enige iemand wat die natuur wil beleef.

Mooi natuurskoon, baie lekker gebly.

Wat 'n wondelike plek. Natuurskoon is asemrowend - veral die berge en sterre, daarvan dat daar geen krag is nie en kamplekke baie ver van mekaar is. Die bonus is natuurlik die feit dat jy honde kan saamneem, maak net seker hul is voor die tyd behandel vir vlooie en bosluise - iets wat my duur te staan gekom het in die vorm van vet-rekeninge. Enigste kritiek is dat die stort nie gewerk het nie en dat hul nie daagliks die asblik kom leegmaak en vuurherd skoongemaak het nie. Egter nie krities nie aangesien hul definitief sou as ek dit onder hul aandag gebring het. Plek sal ons definitief weer sien om die berge te stap en miskien selfs rotsklim te probeer.

Dit is 'n pragtige plek met lieflike staproetes.

Ons het dit terdeë geniet en oom Deon het uit sy pad gegaan om ons behulpsaam te wees en op die dorp te kom haal en weer terug te neem dorp toe na ons verblyf in die Pomphuis. Baie dankie, ons sien jul binnekort weer.

Die veblyf is misleidend op die webblad.

Daar is geen eetgerei of yskassie nie en ek was onder die indruk op die webblad dat dit selfsorgverblyf is, maar in werklikheid is dit kampeergeriewe. Die matrasse is ook regtig al baie dun en verslete en behoort vervang te word. Als was nie net negatief nie, die personeel is wonderlik, die natuur en die vrye toegang tot die omgewing ens was fantasties. Ons het op die ou end heerlik gekuier en gerus en sal net meer voorbereid gaan kuier die volgende keer. Ek sal dit aanbeveel vir vriende wat van kamp hou, maar dit is beslis nie vir mense wat van gerief hou nie.

Stil en afgesonder met pragtige natuurskoon!

Dit is lekker stil en afgesonder. Sal nie aanbeveel om met 'n motor soontoe te gaan nie, eerder 'n bakkie. Die natuur is pragtig.

Lieflike omgewing en konsep.

Hoë waardering vir afgesonderdheid van plaasbedrywighede, voel letterlik of jy alleen in die bos bly. Lekker warm storte en spoeltoilette sorg vir bietjie beskawing in die bos-ervaring. Onthou net, daar is nie 'n kombuis nie, net 'n opelug-kooklapa. Definitief nie net 'n oorslaaptuiste nie. Dis 'n MOET om langer te vertoef om die skoonheid en uniekheid te geniet.

Alhoewel die grondpad van so 'n aard is dat jy moet stadig ry, was die blyplek en die naweek beslis die moeite werd en sal ons weer gaan vir 'n naweek.

Heerlik as jy van die besige lewe wil wegglip vir 'n naweek.