The Pines at Dondini Trout Farm

Selfsorg

Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Highmoor-weg, Dondini Forelplaas, Kambergvallei, 3300, KwaZulu-Natal
Alle ouderdomme is welkom
Vanaf R2 250 per nag, vir 6 mense

Beskrywing

The Pines at Dondini Trout Farm is 'n gehalte selfsorgkothuis op Dondini Trout Farm, 'n 25,3 hektaar-eiendom aan die bokant van die Kambergvallei aan die grens van die Highmoor Natuurreservaat. Dondini is 'n pragtige eiendom wat met 'n mooi landskap en 2 foreldamme spog. Die Klein-Mooirivier, wat vir 1,5 km verby die perseel vloei, bied ook die geleentheid vir kunsvlieghengel.

The Pines Cottage is geskik vir tot en met 6 gaste en het 2 slaapkamers, 2 badkamers en 'n oopplan-kombuis, -eetarea en -leefarea. Die eerste slaapkamer het 'n koningingrootte-bed, 'n enkelbed en 'n en suite-stort met 'n toilet en 'n wasbak. Die tweede slaapkamer het 3 enkelbeddens en 'n en suite-badkamer met 'n bad, toilet en 'n wasbak.

Die kombuis is vir selfsorg toegerus met 'n stoof, oond, mikrogolfoond, yskas, ketel en broodrooster. Die eetarea het 'n eetkamertafel met sitplek vir 6 gaste. Die sitarea het 'n platskerm-TV met sekere DStv Premium-kanale en 'n kaggel. Die leefarea lei na 'n beskutte dek met sitplek, stoepmeubels en 'n uitsig oor die dam. Daar is 'n ingeboude braai in die tuin.

Die kalm en rustige omgewing is die perfekte ligging om te ontspan en ontlaai. Daar is wandelpaaie, staproetes en bergfietsry op die perseel. Langer ekskursies is by Highmoor beskikbaar wat net 'n paar kilometer ver is. Glengarry 9 putjie-gholfbaan is ongeveer 5 km ver.

Kry ’n Kwotasie