Clarens Akkommodasie by Views | LekkeSlaap

+51

Views

61 resensies

Selfsorg

Spesiale Aanbod 15% af

Kry 15% af (minimum twee nagte se verblyf). Geldig vanaf 19 Jun 2020 tot 31 Aug 2020.

Kapasiteit: 8 persone
Inkloktyd: 14:00 tot 21:00
Uitkloktyd: 10:00
Adres: Langs Le Roux-straat, Clarens, 9707, Vrystaat
Alle ouderdomme is welkom
Vanaf ~~R850~~ R723 per nag (vir 2 persone)

Beskrywing

Views is hooggelee in 'n stil area van die dorp en bied gaste die pragtigtste uitsigte op die Rooiberge, die Golden Gate-area en die Malutiberge vanuit die kamers en ook vanaf die stoep.

Views beskik oor 2 aparte selfsorg-eenhede, elk met 'n klein kombuis en badkamer. Gratis WiFi is beskikbaar.

Eenheid 1 het 'n aparte hoofslaapkamer met 'n dubbelbed. Die ander kamer het 2 enkelbeddens. Hier is slaapplek vir 4 volwassenes.
Eenheid 2 is 'n oopplan-eenheid met 'n dubbelbed en 'n stapelbed. Hier is slaapplek vir 2 volwassenes met 2 kinders, of vir 3 volwassenes.

Elkeen van die eenhede het 'n kombuis wat volledig toegerus is met 'n tweeplaatstoof, mikrogolfoond, yskas, koffie- en teemaakgeriewe, en 'n eetarea. Die eenhede beskik elkeen oor 'n TV met DStv.

Elke eenheid het 'n houtkaggel vir die koue winteraande, en hout word voorsien.

Die eenhede bied elkeen toegang tot 'n balkon met 'n Weber. Onderdakparkeerplek word vir elke eenheid voorsien, sowel as ekstra parkeerplek vir besoekers. Ingeboude braaigeriewe is ook onderdak beskikbaar.

Views is net 1,6 km van die plein in Clarens af waar gaste verskeie winkels en restaurante sal raakloop. Views grens aan die Clarens Bergnatuurreservaat en is aan die begin van verskeie stap- en bergfietsroetes geleë. Die Clarens-dam is stapafstand vanaf die huis en ideaal vir swem, visvang en pieknieks in die somer.

Kry ’n Kwotasie