Beskrywing

Villa Faculata is 'n selfsorgkothuis met 'n privaat ingang op die eienaar se erf in die Strand. Die kothuis is ideaal vir sakereisigers en vakansiegangers wat op soek is na gerieflike verblyf.

Die kothuis bied slaapplek aan 2 gaste en beskik oor 1 slaapkamer met 'n dubbelbed en 'n en suite-oopplanbadkamer met 'n stort, wasbak en 'n toilet. Linne en handdoeke word voorsien.

Die kombuisie is met 'n yskas-vrieskas, tweeplaatstoof, oondjie, mikrogolf, eetgerei, breekware en tee- en koffiemaakgeriewe toegerus. Die leefarea het 'n etenstafel vir 2, 'n gemaklike rusbank en 'n TV. WiFi is beskikbaar.

Gaste het toegang tot braaigeriewe en veilige parkeerplek op die straat met kameras. Die kothuis is naby winkels, restaurante en die strand wat net sowat 1 km ver is.