Waterwheel Country Retreat

Selfsorg

Kapasiteit: 24 persone
Inkloktyd: 14:00 tot 19:00
Uitkloktyd: 10:00
Adres: Onverwacht Plaas, Georges Valley, Tzaneen, 0850, Limpopo
Alle ouderdomme is welkom
Vanaf R1 100 per nag, vir 2 mense

Beskrywing

Waterwheel Country Retreat is 'n selfsorghuis op 'n plaas in die Georgesvallei sowat 15 km buite Haenertsburg. Die vakansiehuise is aan die oewer van die Groot-Letabarivier en is ideaal vir 'n groep van 6 gaste wat op soek is na 'n rustige wegbreek, ver van die stadsgedruis.

Hierdie sonkraghuis beskik oor 3 slaapkamers en 1 badkamer asook 'n aparte toilet. Elke slaapkamer het 2 enkelbeddens en deel die badkamer wat 'n stort en 'n bad het. Die huis het 'n oopplan-kombuis wat met 'n yskas, mikrogolf, oond en 'n stoof toegerus is. Die leefarea oorkant het 'n etenstafel met sitplek, 'n kaggel en rusbanke. Die leefarea lei na 'n stoep met 'n ingeboude braai en 'n uitsig oor die tuin, berge en rivier.

Gaste kan verskeie staproetes en voetslaanroetes in die omtrek verken, daar is rotspoele en 'n waterval en gaste kan hengel of vlotvaar op die rivier. Die pragtige dorpie, Haenertsburg, is 10 km ver en hier kan gaste middagete geniet, inkopies doen en 'n drankie geniet. Daar is verskeie pragtige roetes in 'n 30 km-radius. Magoebaskloof Canopy Tours is net 1 km van die plaas af wat verskeie doendinge soos tjoepvaart, kabelgly, 'n klein wynkroeg en 'n koffiewinkel bied.

Kry ’n Kwotasie