Zimbali Views Villa

Selfsorg

Soos Gesien op Facebook
Kapasiteit: 10 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Horsewood-rylaan 44, Port Zimbali, Dolfynkus, 4399, KwaZulu-Natal
Tydelik onbeskikbaar

Beskrywing

Zimbali Views Villa is 'n modern ontwerpte selfsorgwoonstel wat in 'n veilige kompleks van die Zimbali Coastal Resort geleë is en is ideaal vir 'n gesin of groep vriende.

Dié eiendom het slaapplek vir 10 gaste en beskik oor 'n volledig toegeruste kombuis, sitarea, 5 slaapkamers en 3 badkamers.

Die hoofslaapkamer is stylvol gemeubileer met 'n koningingrootte-bed en spog met direkte toegang tot die balkon met pragtige uitsigte oor die see. Dit het 'n en suite-badkamer met 'n bad, wasbak en toilet. Die tweede slaapkamer is stylvol gemeubileer met 'n koningingrootte-bed en beskik oor 'n en suite-badkamer met 'n bad, stort, wasbak en toilet. Dit het ook direkte toegang tot die balkon en het pragtige uitsigte. Die derde slaapkamer het 'n koningingrootte-bed terwyl die vierde en vyfde slaapkamers elk met 2 enkelbeddens ingerig is. Hierdie 3 kamers deel die gebruik van die badkamer wat toegerus is met 'n bad, stort, wasbak en toilet.

Die kombuis is volledig toegerus met 'n yskas-vrieskas, stoof, oond, basiese eetgerei, en breekware, asook tee- en koffiemaakgeriewe. 'n Skottelgoedwasser, wasmasjien en tuimeldroër is in die aparte opwaskamer beskikbaar. Die lieflike sitarea met lugversorging het gemaklike sitplek met 'n TV. Van die sitkamer af lei die vermaakkamer met 'n ontbyt-eiland, 'n etenstafel met sitplek vir 8 sowel as 'n pooltafel.

Die villa lei met stapeldeure na 'n groot buite-area met 'n swembad en 'n gasbraai en spog met panoramiese see-uitsigte. Gaste het toegang tot al die oord se geriewe en besienswaardighede.