Geverifieerde Resensie
Graaff-Reinet
Al die resensies is deur LekkeSlaap-gaste geskryf wat in Graaff-Reinet bespreek het
Hierdie plek het 'n gemiddeld van 4.5 uit 5 gekry volgens 1833 resensies.
"Baie goeie area om te oornag of n dag of twee te spandeer. Mense kan ook heelwat langer bly as gevolg van alles om te sien en te doen. My kinders het in die Camdeboo Nasionale Park gekamp vir die nag en was ook baie tevrede."
"Dit is 'n geskiedkundige dorp, ons oornag by Graaff-Reinet vir die afgelope 20 jaar."
"Skoon dorp. So mooi gerestoureer. Die "Vallei van Verlatenheid" is 'n moet sien."
"Dis geografies goed geleë vir 'n oornag op pad na die Oos-Kaap en Suidkaap. 'n Besonderse ou wêreldse dorp met baie geskiedenis."
"Vallei van verlatenheid was 'n ervaring, kon in kerk ingaan en dis pragtig binne, dorp is baie skoon."
"Ongelukkig baie verwaarloos. Daar is meer om te sien as vir eendag se besoek. Minstens drie dae."
"Dit is 'n plek wat meer as een besoek regverdig. Ons het al vele kere hier deur gery, dan dit en dan dat besoek soos weer tydens die laaste besoek maar daar is altyd iets nuuts wat jou aandag verg."
"'n Pragtige en vooruitstrewende dorp met hope geskiedkundige en natuurlike besienswaardighede."
"Ons het vir die eerste keer na die Vallei van Verlatenheid gegaan. Dis 'n wonderlike ervaring! Wie sou kon raai hierdie klipformasies staan net om die draai van die fraai dorpie!"
"Op die oog af is daar nie veel om te sien nie maar die Vallei van verlatentheid is die mooiste wat ek al ooit gesien het en die kos was tops by Pioneers."
"Hier is baie om te beleef. 'n Mens sou maklik 3 of meer volle dae hier kon bly om die dorp en sy omgewing te verken. Ons het veral die Vallei van Verlatenheid en die Kamdeboo park geniet. Nieu Bethesda was ook mooi om te sien. Reinett Huis is interessant maar ons sou meer van die geskiedenis van een van Graaff-Reinet se bekendste inwoners - Dr. Andrew Murray - wou sien. 'n Besoek aan die Te Water House (antieke handelaar) is beslis die moeite werd. Die eienares het ons allerhande staaltjies oor die dorp vertel."
"Dit was 'n plesier om hier te oornag. Daar was ooglopend baie aandag gegee om besoekers welkom te laat voel. Ons beveel hierdie akkommodasie met vrymoedigheid aan enige reisigers. Dit was net 'n plesier."
"Dis 'n sjarmante skoon dorp met talle historiese besienswaardigede en natuurskoon. Oulike winkeltjies en puik restaurante."
"Graaff-Reinet is mooi in die middel tussen Gauteng en die Oos-Kaap of Karoo. Die hele dorpie neem 'n mens terug na die 1920's, toe al die huise pragtig gebou is met pilare om stoepe by die voordeur, gevormde stoepdakkies, groot houtdeure en plankvloere. Ons slaap graag daar oor wanneer ons na die Oos-Kaap of Karoo reis."
"Doen gerus die moeite om die kunswinkels op te spoor in die klein strate vanaf die hoofstraat."
"Wil graag Derick's Auto Electrical in College-weg (N9-deurpad, om die hoek van die koperasie) aanbeveel. Die jonge, pasgetroude man het die dag na Nuwejaar self ingespring (sy arbeiders het nie opgedaag nie) om ons in 'n japtrap te help met 'n kritiese elektriese probleem in ons voertuig. Hierdie Gautengers voel steeds skuldig oor hoe min hy ons daarvoor gevra het, gegewe hoe verleë ons oor sy hulp was. "
"Ek het hierdie keer net oorgeslaap op pad na my nuwe huis in Napier, maar het voorheen reeds die Camdeboo Reservaat besoek waar verruklike natuurskoon is om te besigtig."
