Geverifieerde Resensie
Vryburg
Al die resensies is deur LekkeSlaap-gaste geskryf wat in Vryburg bespreek het
Hierdie plek het 'n gemiddeld van 3.3 uit 5 gekry volgens 151 resensies.
"'n Mens is bekommerd oor die veiligheid in die dorp. Ons kies elke keer 'n agterstraat om deur die dorp te ry. Toeriste moet op hul hoede wees. Daarom het ons gekies om eerder buite die dorp te slaap!"
"Die dorp was nogal skoon, baie besig maar te veel stories gehoor van grypdiewe en aanvalle wat mens bang maak. Ons het die mense as vriendelik ervaar."
"Goeie Spur (ook oop van 07:00 vir ontbyt) en Ocean Basket. Sekerlik ook ander lekker eetplekke. Dorp is netjies en skoon."
"Vryburg het al 'n reputasie gekry vir "smash-and-grab", wat jammer is. Ons het nie die dorp verder verken nie. Die hoofstraat was skoon, maar baie besig. Mam's Food, by 'n vulstasie net as jy die dorp nader, se kos was werklik smaaklik en waarde vir geld. Jy kan voor die restaurant parkeer. Diens was vriendelik."
"The town is very run down with big trucks destroying the infrastructure. So sad to see. The locals were extremely friendly and welcoming"
"Dis jammer dat die pragtige dorpie binne 'n paar jaar so verwaarloos is. Strate is vol slaggate en die omgewing is nie altyd veilig nie."
"Die paaie in en direk om die dorp is in treurige toestand, tipies van wat oral in ons land die geval is. Die dorp is vuil en onveilig - ook tiperend van wat in SA tans aan die orde van die dag is."
"Die rede vir die 3/5 as toeristebestemming en 4/5 vir veiligheid, is slegs omdat Vryburg se misdaad handuit ruk. Ons het die aand iets te ete gaan soek en is selfs deur 'n inwoner gewaarsku om sekere strate te vermy op pad terug na die gastehuis. So ook het 'n pompjoggie ons gewaarsku om ons deure te sluit terwyl hy brandstof ingooi omdat daar baie boosdoeners is wat deure ooppluk en enige iets van waarde steel. Ons sou graag die dorp wou vermy in die toekoms weens die misdaad, maar die gastehuis is vir seker 'n wenner en op die regte plek geleë. Dit gaan my verstand te bowe dat daar nie 'n effektiewe inisiatief van die polisie of gemeenskapspolisiëringsforum is om misdaad aan te spreek nie. Volgens almal wat ons gewaarsku het, word voertuie van ander provinsies meerendeels geteiken omdat dit niksvermoedende motoriste is nie. Hopelik sal die gemeenskap van Vryburg begin opstaan teen die misdaad voordat die dorp te bekend raak vir die feit dat misdaad nie behoorlik vasgevat word nie. Ons was van Limpopo op pad Augrabies toe en Vryburg is ideaal vir oorslaap, maar ongelukkig gaan die misdaad daartoe lei dat voornemende toeriste 'n veiliger bestemming gaan kies vir oorslaapdoeleindes."
"Hulle was besig om die dorp se hoofstraat te herstel, hopelik stel die dorp 'n voorbeeld verander."
"Effens onveilig gevoel in die aand. Die Spur was op dieselfde standaard as enige Spur in Pretoria."
"I was there for work, so I did not investigate any tourist attractions. That said, anything you need is available in town with a range of shops available."
