Beskrywing

A12 @ Boland Park Villas is in Mosselbaai in die Wes-Kaap geleë. Dit is 'n lieflike selfsorgwoonstel en die ideale keuse vir 'n onvergeetlike gesinsvakansie met 'n asemrowende see-uitsig.

Dié woonstel bied slaapplek aan 4 gaste en beskik oor 2 slaapkamers, 1 badkamer en 'n oopplan-kombuis en -leefarea. Die hoofslaapkamer het 'n dubbelbed en die tweede slaapkamer het 2 enkelbeddens. Gaste in hierdie kamers deel 'n badkamer met 'n bad, stort, toilet en 'n wasbak.

Die kombuis is met 'n stoof, oond, mikrogolfoond, yskas-vrieskas, broodrooster, 'n ketel, eetgerei en breekware toegerus. Die sitarea het gemaklike rusbanke en 'n TV met DStv Premium.

Gaste het toegang tot die kompleks se gemeenskaplike swembad en braai-area. Veilige parkeerplek is in die kompleks beskikbaar.