Kalahari Lodge

4.4

Sien 63 resensies

Slaapplek vir 14 gaste
Alle ouderdomme is welkom
Inkloktyd: 12:00 tot 21:00
Uitkloktyd: 10:00
9 South Street, Carnarvon, 8925, Noord-Kaap Sien kaart

Beskrywing

Kalahari Woonstelle bied warm gasvryheid en gerief in 'n stil gebied in die buitewyke van die dorp. Die onderneming is binne loopafstand van die sakekern en restaurante.

Daar is 6 privaat selfsorg-eenhede. Elke eenheid is goed toegerus met lugversorging, 'n yskas, tweeplaatstoof, mikrogolfoond, braaipan, kombuisware, eetgerei en kookgereedskap. Hulle het selfsorg-kombuise met tee- en koffiegeriewe en beskuit en drie ontbytgrane. Braaitoerusting word ook voorsien. Die gerieflike eenhede is met dubbel- en enkelbeddens gemeubileer en het en suite-badkamers met baddens en storte. Alle beddegoed en handdoeke word voorsien en alle beddens is met elektriese komberse opgemaak asook winterslakens gedurende die winter, en twee dik komberse vir daardie koue Karoo-nagte. TV's met die DStv-kanale (Hotel Premium pakket) is beskikbaar en gaste het private ingange en verandas waar hulle kan ontspan en skemerkelkies kan geniet.

Braaipakkies is op versoek beskikbaar vir diegene wat organiese Karoo-lamtjops en wors wil geniet. Elke eenheid het 'n strykplank, strykyster, insekweerder en noodlampe. Haardroërs is op versoek beskikbaar en 'n wasgoeddiens is vir verblyf van langer as drie dae beskikbaar. Die hele kompleks is omhein, goed belig en het toesluitparkering vir elke eenheid.

Die plaaslike museum het 'n verskeidenheid interessante stukke en gaste kan die interessante Corbelled House besoek. Carnarvon is ook die tuiste van MeerKAT - 'n radioteleskoop onder konstruksie in die Noordkaap in die wedywering om die vierkante kilometer teleskoop teen Australië te wen.

Bespreek