Beskrywing

Laatlam93 is 'n ruim seefront dubbelverdiepinghuis. Die huis is in Franskraal, 7,2 km vanaf Gansbaai en 50 km vanaf Hermanus.

Laatlam93 is geskik vir 8 volwasse gaste en het 4 slaapkamers. Drie slaapkamers het elk 'n see-uitsig en die vierde slaapkamer is lekker sonnig en front noord. Twee van die slaapkamers het elk 'n en-suite badkamer en die ander 2 slaapkamers 'n gesamentlike badkamer.

Die huis is met 'n wasmasjien, tuimeldroër, skottelgoedwasser, ys/vrieskas combo, elektriese oond, gasbraaier, binnebraai, mobiele braai, gashob en mikrogolf toegerus. Die balkon bo en onder het elk 'n bench en bied sitplek met 'n baie mooi see-uitsig.

Die grondverdieping het 'n speletjiesarea met 'n pooltafel wat ook as 'n tafeltennisblad gebruik kan word. DStv-kanale, wifi, beddegoed en handdoeke word voorsien.

Daar is 'n dubbelmotorhuis, ekstra parkeerplek op die perseel wat omhein is, laserstraal-sekuriteit en 24 uur-reaksie.

Aktiwiteite om na uit te sien in die area sluit fietsry, stap, visvang, rolbal, gholf, swem, haaihokduik en walviskyk in.