Heerlike kuier. Ons het net een nag oorgebly en was vriendelik ontvang. Daar is alles wat nodig is in hierdie ruim plaashuis - baie gemaklike slaapplek en salige stilte. Wens ons kon langer gebly het.

Lekker rustig en presies wat ons wou hê. Baie dankie vir die lekker verblyf. Die ou plaashuis is so mooi en rustig.

Rustige plaas atmosfeer, skoon en netjiese verblyf. Aangenaam verras met plaashuis, skoon en ruim kamers. Veral dankie aan Sussie wat ons so vriendelik ontvang het.

Pragtige Karoo-plaashuis met rustige atmosfeer. Ons het heerlik in die groot ou plaashuis gebly. Alles wat mens nodig het is daar, van snoesige beddegoed en handdoeke tot kombuisware en braaigeriewe. Ons gasvrou het ook uit haar pad gegaan om te help toe ons vasgebrand het. Werklik 'n baie lekker, rustige plek en 'n positiewe ervaring.

Rus en vrede. Dit was baie lekker stil en netjies.

Wonderlike Karoo-vergesigte vanaf die braai- en kuierarea; genoeg braaihout. Die plaashuis op Leeuwfontein is baie ruim en goed toegerus.

Tranquil and peaceful! Amazing. Kids had a blast and the host is very friendly. Always stay here if we can!

Baie lekker ruim gastehuis. Ons is baie vriendelik ontvang en gasheer het ons regtig baie tuis laat voel. Het baie lekker gekuier en heerlik geslaap na Two Oceans-marathon en lang pad.

Karoo-stilte. Pragtige ou ruim plaashuis omring met die skoonheid van die Karoo. Die huis is goed toegerus en die gasvrou het werklik aan alles gedink. Van lampies en 'n gasstoof vir load shedding tot smeermiddel vir muskiete. Ons honde was welkom en het die ruimte en stilte geniet na die lang pad. Ons kom beslis terug.

Rustige plaaskuier in 'n baie groot huis. Ek kan dink dat mens dae lank hier wil bly! Goed uitgerus vir groot groepe. Die kombuis het als waaraan mens kan dink. Ons het ongelukkig nie warm water in ons en suite badkamer gehad nie, maar die ander badkamer was reg.