Beskrywing

Paulyn Place is 'n gemeubileerde selfsorgkothuis in die kusdorpie Kenton-on-Sea aan die Oos-Kaapse Sonskynkus. Kenton-on-Sea is tussen die Boesmans- en Kariegarivier geleë en dis sowat halfpad tussen Oos-Londen en Gqeberha (Port Elizabeth).

Sonkrag is geïnstalleer in geval van beurtkrag.

Paulyn Place bied slaapplek aan 4 gaste en beskik oor 2 slaapkamers, 2 badkamers en 'n ruim oopplan-kombuis, -eetarea en -leefarea. Die hoofslaapkamer het 'n koningingrootte-bed en die tweede slaapkamer het 2 enkelbeddens. Die eerste badkamer het 'n bad en 'n stort en die tweede badkamer het net 'n stort.

Die kombuis is goed toegerus vir selfsorg met 'n yskas-vrieskas, tweeplaatstoof, oond, mikrogolfoond, ketel, broodrooster en 'n elektriese braaipan. Die eetarea het 'n etenstafel met sitplek vir 6 gaste. Die sitkamer het 'n TV met DStv en 'n DVD-speler. Gratis WiFi is beskikbaar. Daar is 'n stoep met 'n Weber-braai en 'n tafel en stoele buite.

Gaste is welkom om van die plonspoel in die hoofhuis se tuin gebruik te maak. Parkeerplek is op die perseel beskikbaar.