Beskrywing

SANParks Delwerskamp Coastal Camp Site is in die Namakwa Nasionale Park in die hartjie van die Karoo. Die park het baie uitgebrei en strek tans vanaf die bekende Skilpad-gedeelte naby Kamieskroon op die platorand weswaarts tot by die kus. Dis 'n landskap van kontraste met verskeie lewende wesens wat by die geharde klimaat aangepas het. Plate veldblomme, 'n helder sterrehemel, kokerbome, enorme granietrotse en die yskoue Atlantiese Oseaan is maar enkele van die natuurwonders in dié geweste.

Delwerskamp is teen 'n rotsagtige kuslyn met 'n pragtige strandjie net noord van die kamp. Die strande aan die noordekant is gewild onder stappers.

Die Delwerskamp Kuskampterrein is 'n eenvoudige kampplek wat met die natuur saamsmelt. Gaste moet alle benodigdhede saambring aangesien daar slegs basiese geriewe is. Die staanplekke het nie water, krag of ablusiegeriewe nie, slegs omgewingsvriendelike toilette. Daar is ook nie selfoonsein nie.

Hout is by die Groenrivierhek beskikbaar, maar gaste word nogtans aangeraai om hul eie hout saam te bring.