Beskrywing

Santini Village 43 is 'n moderne selfsorg-woonstel op die boonste verdieping van die Santini Village-kompleks in Plettenbergbaai. Die kompleks is net 2 km van die middedorp en Lookout-strand af en ook net 3 km vanaf die hoofstrand. Die woonstel het 'n gedeeltelike uitsig op die Tsitsikamma-bergreeks.

Dié woonstel is geskik vir 4 gaste en het 2 slaapkamers, 2 badkamers en 'n oopplan-kombuis, -leefarea en -eetarea. Die eerste slaapkamer het 'n koningingrootte-bed en 'n en suite-badkamer met 'n bad, toilet en wasbak. Die tweede slaapkamer het 2 enkelbeddens wat in 'n koninggrootte-bed omskep kan word. Elke slaapkamer het 'n plafonwaaier. Die tweede badkamer het 'n stort, toilet en wasbak.

Die kombuis is met 'n stoof, oond, mikrogolf, skottelgoedwasser, wasmasjien, ketel en 'n broodrooster toegerus. Daar is 'n etenstafel vir 4 in die leefarea, asook 'n platskerm-TV. Onbeperkte WiFi is beskikbaar en die leefarea lei na 'n balkon met stoepmeubels en 'n gasbraai.

Daar is 2 parkeerplekke, waarvan 1 onderdak is. Die kompleks spog ook met 'n swembad wat omhein is.

Daar is 'n rugsteunkragstelsel met 'n omsetter om die TV, WiFi, ligte en sekere toestelle soos die yskas aan te dryf.