+96

Selfsorg in Paternoster

Sea Shack

4.6

Sien 156 resensies

22 gaste
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Soos Gesien op Instagram
Soldaten Bay, Cape Columbine Nature Reserve, Paternoster, 7381, Wes-Kaap Sien kaart

Beskrywing

Sea Shack bied 'n unieke, omgewingsvriendelike glanskamp-ervaring op die randjie van die water in die Cape Columbine Natuurreservaat. Verblyf word in 11 pragtige huisies gebied waar die branders se gedruis saans hoorbaar is en die voëls se geroep soggens. Die tarief sluit die toegangsfooi tot die natuurreservaat in.

Elke bekoorlike Sea Shack skep 'n rustige, idilliese atmosfeer en bied slaapplek aan 2 gaste. Elke huisie het 'n Cloud 9-matras en linne en is volgens 'n unieke tema versier. Agt van die huisies het koningingrootte-beddens en 2 het elk 2 enkelbeddens.

Gaste het toegang tot 4 gemeenskaplike kleinhuisies met storte en omgewingsvriendelike toilette. Die warmwatersilinder werk met gas.

'n Gemeenskaplike boma met 'n goed toegeruste kombuis en 'n opwaskamer met 'n yskas, gasstowe, eetgerei, breekware en kookgerei is beskikbaar. Sea Shack is heeltemal onafhanklik van die nasionale kragnetwerk en gebruik slegs sonkrag en gas. Selfsoonsein en -laaiplek is beskikbaar, maar haardroërs word ongelukkig nie voorsien nie. Sea Shack doen hul bes om alles wat gaste benodig te voorsien en moedig hulle aan om saans by die vuurput te sit en kook en kuier.

Sea Shack is sowat 5 km vanaf die bekoorlike kusdorpie, Paternoster. Strande en aktiwiteite soos voëlkyk, voetslaan, bergfietsry, kajakvaart, perdry en begeleide duinritte is in die omgewing beskikbaar.

Bespreek